तुम्हालाही कर्ज घ्यायचंय? मग पॅन कार्ड गरजेचं; जाणून घ्या लोनची संपूर्ण प्रक्रिया

आजच्या जमान्यामध्ये पॅन कार्ड हे एक महत्त्वाचं सरकारी दस्तऐवज आहे. पॅन कार्डचा उपयोग फक्त ओळख पत्र म्हणूनच नाही होत तर तुम्ही जेवढे काही आर्थिक व्यवहार करता त्या सर्वांसाठी तुम्हाला पॅन कार्डची गरज असते, जर तुमच्याकडे पॅन कार्ड नसेल तर पन्नास हजार रुपयांपेक्षा जास्तीचा कोणताही आर्थिक व्यवहार तुम्हाला करता येत नाही. एवढंच नाही तर तुमच्याकडे पॅन कार्ड असेल तर तुम्हाला पाच लाख रुपयांपर्यंत कर्ज देखील मिळू शकतं. मात्र त्यासाठी तुमचं आधार कार्ड आणि पॅन कार्ड लिंक असनं गरजेचं आहे. जर तुमचं आधार आणि पॅन कार्ड लिंक नसेल तर लोनच्या प्रक्रियेला उशिर होऊ शकतो. चला तर जाणून घेऊयात तुम्हाला त्यासाठी कोण कोणत्या कागदपत्रांची आवश्यकता असते आणि अर्ज कसा करायचा त्याबाबत.

कर्जासाठी आवश्यक असणारी कागदपत्रं

तुम्हाला कर्ज घेण्यासाठी ओळखपत्र म्हणून आधार कार्ड, पासपोर्ट, ड्राईव्हिंग लायन्स किंवा मतदान कार्ड यापैकी एकाची गरज आहे. यासोबतच तुम्हाला मागच्या तीन महिन्यांची सॅलरी स्लिप आणि बँक स्टेटमेंटची देखील गरज लागणार आहे. सर्व कागदपत्र गोळ्या केल्यानंतर तुम्ही कर्जासाठी ऑनलाईन किंवा ऑफलाईन अप्लाय करू शकता. या फॉर्ममध्ये तुम्हाला तुमची बेसिक डिटेल्स आणि ई-के वाय सी भरायची आहे, तुमच्या पॅन कार्डची डिटेल्स भरायची आहे. तुम्हाला त्यानंतर लोन मिळेल, तुम्ही या कर्जाचा उपयोग तुमच्या आर्थिक संकट काळात करू शकता. तुम्हाला ईएमआयवर लोन मिळेल, हे कर्ज फेडण्यासाठी तुम्हाला 6 महिन्यांपासून ते 96 महिन्यांपर्यंत मुदत मिळते.

लोनसाठी कसं अप्लाय करायचं?

तुम्ही त्यासाठी कोणत्याही बँकेकडे किंवा वित्तीय संस्थेकडे लोनसाठी अर्ज करू शकता, तुम्हाला तुमच्या पॅन कार्डवर लोन मिळू शकतं, तुम्हाला किती लोन पाहिजे तसा तुम्ही बँकेकडे अर्ज करा, तुम्हाला कर्ज मंजूर झाल्यानंतर त्याचा व्याज दर किती आहे, तुम्हाला त्या कर्जाचा इएमआय किती येणार आहे? तुम्हाला किती वर्षात हे कर्ज परत फेडावं लागणार आहे, याबाबतची सर्व डिटेल्स नीट वाचून घ्या, आणि त्यानंतर कर्ज घ्या. जर तुमच्याकडे पॅन नसेल तर तुम्हाला कर्ज मिळू शकत नाही.