70 दशलक्षांहून अधिक सबस्क्रायबर्स! यूट्यूबच्या जगात झपाट्याने उंचावलेलं हे नाव तुम्ही ओळखता का?

एकेकाळी फक्त मजा आणि टाइमपाससाठी वापरले जाणारे यूट्यूब आता अनेकांसाठी करिअरचं व्यासपीठ बनलं आहे. आज लाखो तरुण त्याच्या मदतीने स्वतःचं वेगळं अस्तित्व निर्माण करत आहेत. याच जगात एक नाव सध्या चर्चेचा विषय ठरत आहे एक असा यूट्यूबर, ज्याच्या चॅनेलवर तब्बल 71.6 दशलक्ष सबस्क्रायबर्स आहेत! चला, पाहूया नेमकं काय आहे त्याच्या यशाचं रहस्य…

कोण आहेत केएल ब्रदर्स बिजू रित्विक?

भारतीय यूट्यूब विश्वामध्ये अनेक लोकप्रिय चेहरे आहेत, जे त्यांच्या अनोख्या शैली आणि विषयांमुळे प्रेक्षकांमध्ये प्रसिद्ध झाले आहेत. मात्र या गर्दीतून एका यूट्यूबरने पूर्ण वेगळा मार्ग निवडत यशाची सर्वोच्च शिखरं गाठली आहे — तो म्हणजे केएल ब्रदर्स बिजू रित्विक. मोठ्या शहरांतील ग्लॅमर किंवा ट्रेंडी विषयांवर आधारित कंटेंट न करता, त्यांनी आपल्या कुटुंबकेंद्री आणि भावनिक व्हिडिओंमधून प्रेक्षकांच्या हृदयात विशेष स्थान निर्माण केलं आहे.

बिजू रित्विक हे केरळमधील कन्नूर जिल्ह्यातील मय्यिल गावचे रहिवासी आहेत. त्यांनी २०२० मध्ये “KL BRO Biju Rithvik” नावाने यूट्यूब चॅनेल सुरू केला, आणि आज त्यांचे ७१.९ दशलक्षांहून अधिक सबस्क्रायबर्स आहेत. त्यांचे व्हिडिओ मुख्यतः मल्याळम भाषेत असले तरी, त्यातील भावना, कुटुंबातील बंध, आणि सामाजिक कथानकं यामुळे ते भारतभरातील प्रेक्षकांपर्यंत पोहोचले. त्यांच्या कंटेंटमध्ये त्यांच्या पत्नी, मुलं आणि आई यांचा नेहमी सहभाग असतो.

या कौटुंबिक स्वरूपाच्या व्हिडिओंमध्ये हास्य, अश्रू आणि नात्यांची गुंफण असते. हीच खरी त्यांच्या यशाची गुरुकिल्ली ठरली आहे. डिजिटल विश्वात जेव्हा ग्लॅमर आणि कृत्रिमपणाचं वर्चस्व असतं, तेव्हा बिजू रित्विक यांचा साधेपणा आणि खरी भावना यामुळेच ते आज भारतातील नंबर वन यूट्यूबर ठरले आहेत.

त्यांच्या कंटेंटमध्ये आलेले अडथळे नेमके कोणते ?

जरी बिजू रित्विक यांचे चॅनेल अत्यंत लोकप्रिय असले, तरी त्यांना काही अडथळ्यांचा सामना करावा लागला आहे:

1. प्रँक व्हिडिओंवरील टीका: त्यांच्या काही प्रँक व्हिडिओंवर “हानीकारक” किंवा “अविचारी” असल्याची टीका झाली आहे. या व्हिडिओंमध्ये इतरांच्या भावना दुखावल्या गेल्याचा आरोप करण्यात आला होता. या प्रकरणांनंतर, बिजू रित्विक यांनी माफी मागितली आणि भविष्यात अधिक जबाबदारीने कंटेंट तयार करण्याचे आश्वासन दिले.

2. कंटेंटची पुनरावृत्ती: काही प्रेक्षकांनी त्यांच्या व्हिडिओंमध्ये विषयांची पुनरावृत्ती असल्याची टीका केली आहे. त्यामुळे काही प्रेक्षकांना कंटेंट एकसारखा वाटू लागला आहे.

70 दशलक्ष पार करणं म्हणजे काय?

70 दशलक्ष सबस्क्रायबर्स पार करणं म्हणजे केवळ प्रसिद्धी नव्हे, तर लोकांच्या मनात खोलवर रुजलेलं विश्वासाचं नातं. आणि त्याचं गमक म्हणजे – सत्यता, साधेपणा आणि नियमितता. त्यांच्या कंटेंटमध्ये कोणताही बनावटपणा नाही, कोणताही व्हायरल होण्याचा हव्यास नाही आहे ती फक्त खरी भावना!

केएल ब्रदर्स बिजू रित्विक यांना यूट्यूब इंडियाने ‘रुबी प्ले बटण’ या विशेष पुरस्काराने गौरवले आहे जो अशा यूट्यूबर्सना दिला जातो जे ५० दशलक्ष सबस्क्रायबर्सचा टप्पा पार करतात. पण त्यांच्या यशापेक्षा त्यांची प्रेक्षकांशी असलेली खरी नाळ त्यांना खास बनवते.