Financial fraud : सावधान! जर तुम्हालाही आला असेल ‘हा’ मॅसेज तर तुमचे बँक खाते होऊ शकते रिकामे

मुंबई : सध्या भारतामध्ये डिजिटल इकोनॉमीचा (Digital Economy) झपाट्याने प्रसार होत आहे. अनेक जण पैशांच्या रोकड व्यवहारांऐवजी डिजिटल व्यवहारांनाच प्राधान्य देतात. मात्र डिजिटल व्यवहारांमध्ये बँकिंग फ्रॉडचा (Banking Fraud) धोका देखील वाढला आहे. आरोपी तुमच्या बँक खात्यातून (Bank Account) पैसे काढण्यासाठी विविध मार्गांचा अवलंब करतात. अशा परिस्थितीमध्ये सर्तक राहण्याची आवश्यकता असते. तुमची एक चूक देखील तुम्हाला महागात पडू शकते. असेच एक प्रकरण समोर आले आहे. ज्यामध्ये एसबीआय बँकेच्या ग्राहकांना त्यांच्या मोबाईलवर एक मॅसेज पाठवण्यात येत आहे. हा मॅसेज सरकारकडून पाठवण्यात आला असून, त्यावर क्लीक करण्याचे आवाहन केले जात आहे. मात्र असा कोणताही मॅसेज सरकारकडून पाठवण्यात आला नसल्याचे बँकेच्या वतीने स्पष्ट करण्यात आले आहे. तसेच या मॅसजमध्ये दिलेली लिंक ओपन न करता आपल्या मोबाईमध्ये मॅसेज आल्यास तो लगेच डिलीट करावा असे आवाहन देखील बँकेच्या वतीने करण्यात आले आहे.

मॅसेजद्वारे पाठवलेल्या लिंकवर क्लिक करू नका

सध्या एसबीआय ग्राहकांच्या मोबाईवर एक मॅसेज पाठवण्यात येत आहे. या मॅसेजद्वारे ग्राहकांना एक लिंक सेंड करण्यात येत आहे. हा मॅसेज सरकारने पाठवला असून, त्या लिंकवर क्लिक करण्याचे आवाहन केले जात आहे. तुमचे बँक खाते ब्लॉक झाले आहे, ते पुन्हा सुरू करण्यासाठी या लिंकवर क्लिक करा असा या मॅसेजमधील मजकूर आहे. मात्र याबाबत पीआबीकडून खुलासा करण्यात आला आहे. बँकेच्या वतीने असा कोणताही मॅसेज पाठवण्यात आलेला नाही. त्यामुळे तुम्ही या लिंकवर क्लिक करू नका. हा मॅसेज आल्यास लगेच डिलिट करा असे आवाहन पीआयाबीने केले आहे. तसेच जर तुम्हाला या संदर्भात कोणाचा फोन आला तर त्याला देखील प्रतिसाद देऊ नका असे देखील पीआयबीने म्हटले आहे.

‘या’ ईमेलवर संबंधित मॅसेजची माहिती द्या

या मॅसेजबाबत पीआयबीकडून ट्विट करण्यात आले आहे. या ट्विटमध्ये पीआयबीने म्हटले आहे की, तुम्हाला जर असा मॅसेज आला तर त्याला कोणत्याही प्रकारचा प्रतिसाद देऊ नका. तुम्हाला तुमची एक चूक महागात पडू शकते. तुमच्या बँक खात्यातील पैसे परस्पर काढले जाऊ शकतात. त्यामुळे तुम्हाला जर असा मॅसेज आला तर तुम्ही त्याला प्रतिसाद न देता report.phishing@sbi.co.in या इमेलवर त्या मॅसेजबाबतची माहिती द्या. माहिती मिळाल्यानंतर बँक अशा प्रकरणात तातडीने दखल घेऊ शकते. तसेच तुम्हाला फोनद्वारे कोणीही तुमच्या बँकेची डिटेल्स मागत असेल तर ती त्याला देऊ नका, असे आवाहन देखील पीआयबीच्या वतीने करण्यात आले आहे.