Petrol Price Today: इंधन करकपातीनंतर खनिज तेलाच्या भावात घसरण; पेट्रोल-डिझेल आणखी स्वस्त होणार?
Petrol Diesel | जाणकारांच्या अंदाजानुसार तुर्तास तरी इंधन दरकपातीची शक्यता अवघड वाटत आहे. क्रूड उत्पादक देशांची संघटना OPEC+ च्या बैठकीत क्रुडचा पुरवठा हळूहळू वाढवण्याचा निर्णय घेण्यात आला आहे. रशियाच्या ऊर्जा मंत्र्यांनी सांगितले की, बैठकीतील पूर्वीचा निर्णय कायम ठेवण्यात आला आहे. 2022 च्या अखेरीस दर महिन्याला उत्पादनात दररोज 4 लाख बॅरलने वाढ केली जाईल.
नवी दिल्ली: आंतरराष्ट्रीय बाजारात कच्च्या तेलाच्या किमती प्रचंड घसरल्या आहेत. ब्रेंट क्रूडची किंमत प्रति बॅरल $85 वरून $81 प्रति बॅरलपर्यंत घसरली आहे. गेल्या ४८ तासांत कच्चे तेल 5 टक्क्यांनी स्वस्त झाले आहे. त्यामुळे भारतीय पेट्रोलियम कंपन्या यापुढेही इंधनाचे दर कमी करतील का, याकडे सर्वांच्या नजरा लागल्या आहेत.
मात्र, जाणकारांच्या अंदाजानुसार तुर्तास तरी इंधन दरकपातीची शक्यता अवघड वाटत आहे. क्रूड उत्पादक देशांची संघटना OPEC+ च्या बैठकीत क्रुडचा पुरवठा हळूहळू वाढवण्याचा निर्णय घेण्यात आला आहे. रशियाच्या ऊर्जा मंत्र्यांनी सांगितले की, बैठकीतील पूर्वीचा निर्णय कायम ठेवण्यात आला आहे. 2022 च्या अखेरीस दर महिन्याला उत्पादनात दररोज 4 लाख बॅरलने वाढ केली जाईल.
देशातील तीन सर्वात मोठ्या सरकारी कंपन्या HPCL, BPCL आणि IOC दररोज पेट्रोल आणि डिझेलच्या किंमती निश्चित करतात. कच्च्या तेलाच्या किमती, रुपयाची चलन आणि आंतरराष्ट्रीय पेट्रोलच्या किमतीच्या आधारे या किमती ठरवल्या जातात.
पेट्रोल-डिझेलचा आजचा भाव
दिल्लीत एक लिटर पेट्रोलची किंमत 104.01 रुपये आणि डिझेलची किंमत 86.71 रुपये प्रति लिटर आहे. तर मुंबईत पेट्रोल आणि डिझेलचा दर अनुक्रमे 109.96 आणि 94.13 रुपये प्रतिलीटर इतका झाला आहे.
दररोज 6 वाजता बदलतात किमती
दररोज सकाळी 6 वाजता पेट्रोल आणि डिझेलच्या किमतीत बदल होत असतो. सकाळी सहा वाजता नवे दर लागू केले जातात. पेट्रोल आणि डिझेलच्या किमती एक्साइज ड्युटी, डिलर कमिशन आणि अन्य गोष्टी जोडल्यानंतर त्याचा भाव जवळपास दुप्पट होतो.
असे तपासा पेट्रोल आणि डिझेलचे भाव
आपण एसएमएसच्या माध्यमातून पेट्रोल आणि डिझेलच्या किमती जाणून घेऊ शकता. पेट्रोल-डिझेलच्या किमती दररोज सकाळी 6 वाजता बदलतात. इंडियन ऑइलच्या वेबासाइटनुसार, RSP बरोबर आपल्या शहराचा कोड टाइप करून 9224992249 नंबरवर SMS पाठवावा लागणार आहे. या शहराचा कोड वेगवेगळा असतो. बीपीसीएल ग्राहक RSP लिहून 9223112222 आणि एचपीसीएल ग्राहक HPPrice लिहून 9222201122 या नंबरवर मेसेज पाठवून पेट्रोल आणि डिझेलच्या किमती जाणून घेऊ शकतात.
संबंधित बातम्या:
पेट्रोल, डिझेलवरील Excise Duty म्हणजे नेमकं काय?, ज्यातून सरकारची दररोज करोडोंची कमाई
पेट्रोल-डिझेलच्या किंमती वाढल्याने मोदी सरकारची ‘दिवाळी’; सरकारी तिजोरीत 1.71 लाख कोटींची भर
देशातील ‘या’ जिल्ह्यांमध्ये पेट्रोल 120 रुपये तर डिझेल 110 रुपयांपलीकडे; जाणून घ्या कारण
