Interest Rate | या मुदत ठेवीत गुंतवा पैसा, दोन वर्षांत मिळेल जोरदार परतावा..

Interest Rate | आवर्ती ठेव योजनेत (Recurring Deposit Scheme) दरमहिन्याला ठराविक रक्कम गुंतवल्यास मोठा परतावा (Return) मिळतो. ही रक्कम अचानक आलेल्या आर्थिक संकटात मदत करते. यावर व्याजदर (Interest Rate) निश्चित असतो. म्युच्युअल फंडात जशी SIP मार्फत गुंतवणूक करतात. तसाच काहीसा हा प्रकार आहे.

किती अवधीसाठी गुंतवणूक

आरडी खाते हे 6 महिन्यांपासून ते 10 वर्षांपर्यंत चालविल्या जाते. आपण तीन अशा आरडी पाहुयात, ज्यामध्ये गुंतवणूकदारांना 2 वर्षांत 8 टक्के व्याजदराने परतावा मिळेल. या तीनही योजना ज्येष्ठ नागरिकांसाठी आहेत.

1 जन स्माल फायनान्स बँक

या बँकेच्या आवर्ती ठेव योजनेचा व्याजदर 15 जून 2022 पासून लागू आहेत. या योजनेचा कालावधी कमीत कमी 6 महिने तर अधिकत्तम 120 महिने आहे. या आवर्ती ठेव योजनेत अगदी 100 रुपयांपासून आरडी खाते उघडता येते. जेष्ठ नागरिकांसाठी ही बँक 8.05 टक्के व्याजदर देते. परंतु, कालावधी पूर्ण होण्यापूर्वीच आरडीतून रक्कम काढल्यास तुम्हाला 0.5 टक्क्यांचा दंड द्यावा लागतो.

2 उत्कर्ष स्मॉल फायनान्स बँक

उत्कर्ष स्मॉल फायनान्स बँकेच्या आवर्ती ठेव योजनेवरील व्याजदर 12 ऑगस्ट 2022 पासून लागू आहेत. गुंतवणुकीसाठीचा कालावधी कमीत कमी 6 महिने तर अधिकत्तम 120 महिने आहे. 21 महिन्यांपेक्षा अधिक आणि 24 महिन्यांपेक्षा कमी कालावधीच्या आरडी स्कीमवर ज्येष्ठ नागरिकांना 8 टक्के व्याजदर देण्यात येणार आहेत. जर मुदतपूर्व आरडी स्कीम बंद केल्यास गुंतवणूकदाराला 1 टक्के व्याजदर कमी मिळेल.

3 नॉर्थ ईस्ट स्मॉल फायनान्स बँक

नॉर्थ ईस्ट स्मॉल फायनान्स बँकेची नवीन आरडी दर 1 एप्रिल, 2022 पासून लागू आहेत. ही बँक ज्येष्ठ नागरिकांना 2 वर्षांच्या आरडीवर 8 टक्के व्याज देते. हे व्याजदर महागाई दरापेक्षा अधिक आहे. ही बँक 3 महिन्यांच्या आरडीवर सर्वसामान्य गुंतवणूकदारांना 4.25 टक्के आणि ज्येष्ठ नागरिकांना 4.75 टक्के व्याज देत आहे.