Investment advice : जागतिक मंदीत सोने खरेदीची संधी; सोन्या-चांदीच्या दरात तेजी येणार, जाणून घ्या सध्या गुंतवणूक करावी का?

वाढती महागाई आणि आर्थिक मंदीच्या भीतीनं येत्या काही दिवसात सोन्याच्या भावात तेजी पहायला मिळू शकते. 2022 च्या शेवटपर्यंत जागतिक बाजारात सोन्याचे दर 2000 डॉलरपर्यंत पोहचू शकतात असा अंदाज आहे.

Investment advice : जागतिक मंदीत सोने खरेदीची संधी; सोन्या-चांदीच्या दरात तेजी येणार, जाणून घ्या सध्या गुंतवणूक करावी का?
Image Credit source: सोशल मीडिया
अजय देशपांडे

|

Jul 03, 2022 | 12:13 PM

मुंबई : जगभरात महागाईनं (Inflation) उच्चांक गाठलाय. आर्थिक संकटाचं ढग गडद झाले आहेत. म्हणजेच सोन्याच्या (gold) गुंतवणुकीत वाढ होण्यासाठी पुरक वातावरण आहे. मात्र, तरीही सोने बाजारात फारसा उत्साह नाही. जागतिक बाजारात बऱ्याच दिवसांपासून सोन्याचा भाव 1800 आणि 1850 डॉलरच्या जवळपास आहे. देशातही सोन्याचा भाव 50 ते 51 हजार आहे. चांदीचीही (Silver) अशीच परिस्थिती आहे. चांदीचाही दर 60 ते 62 हजार रुपयांच्या दरम्यान आहे. सोन्या, चांदीच्या दरावर डॉलर भारी पडत आहे. अमेरिकेने व्याज दरात वाढ केल्यानं डॉलर मजबूत झालाय. डॉलर इंडेक्स 20 वर्षांच्या उच्चाकांवर असल्यानं जागतिक बाजारात सोन्या-चांदीच्या दरात सुस्ती आहे. मात्र दुसरीकडे रुपया कमजोर झाल्यानं भारतीय बाजारात थोडंसं सहाय्य मिळालंय. मात्र, आर्थिक मंदीच्या भीतीनं वैश्विक बाजारात सोन्या-चांदीची चमक पुन्हा वाढू शकते. जगभरातील अनेक केंद्रीय बँका सोन्याच्या साठ्यात वाढ करत आहेत. मेच्या दरम्यानं आरबीआयनं सुद्धा 3.7 टन सोनं खरेदी केलंय. केंद्रीय बँका सोनं खरेदी करत असल्यामुळे सोन्याच्या दराला सपोर्ट मिळालाय.

महागाईमुळे सोन्याचा दर वधारणार

वाढती महागाई आणि आर्थिक मंदीच्या भीतीनं येत्या काही दिवसात सोन्याच्या भावात तेजी पहायला मिळू शकते. 2022 च्या शेवटपर्यंत जागतिक बाजारात सोन्याचे दर 2000 डॉलरपर्यंत पोहचू शकतात आणि असं झाल्यास भारतात रुपयाची किंमत पडल्यामुळे सोन्याचे भाव 55000 रुपयांपर्यंत जाण्याची शक्यता आहे, असे केडिया एडवायजरीचे डायरेक्टर अजय केडिया यांनी म्हटले आहे. 2022 च्या दुसऱ्या सहा महिन्यांत चांदीच्या किंमतीत देखील वाढ होऊ शकते . पुढील सहा महिन्यांत भारतात चांदीचे दर 66000 रुपयांवर जाण्याची शक्यता आहे, अशी माहिती रेलिगेयर कमोडिटीजच्या व्हाईस प्रेसिडेंट सुगंधा सचदेव यांनी दिलीये.

हे सुद्धा वाचा

मंदीत तेजी

2008 सालच्या मंदीतही सोन्या आणि चांदीच्या दरात तेजी आली होती. यंदाही जागतिक मंदीचे संकट गडद झालंय. मंदीचा जुना अनुभव लक्षात घेता आता सोनं आणि चांदीच्या दरात तेजी येण्याची शक्यता आहे, असा अंदाज तज्ज्ञांकडून वर्तवण्यात येत आहे. तसेच सध्या सोन्या-चांदीचे दर कमी असल्यामुळे त्यामधील गुंतवणूक देखील वाढण्याची शक्यता आहे. सोन्या-चांदीच्या मागणीत वाढ झाल्यास सोन्याचे दर आपोआप वाढणारच आहेत.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें