Petrol-Diesel Price | आंतरराष्ट्रीय बाजारात कच्च्या तेलाच्या दरात पुन्हा घसरण..तुमच्या शहरातील पेट्रोल-डिझेलचा भाव काय?

नवी दिल्ली : आंतरराष्ट्रीय बाजारात (International Market) कच्च्या तेलाच्या (Crude Oil) किंमतीत पुन्हा घसरण झाली आहे. गेल्या काही दिवसांपासून तेलाच्या किंमती घसरत आहेत. तरीही देशातंर्गत पेट्रोल-डिझेलच्या दरात (Petrol-Diesel Rate) कुठलीही कपात झालेली नाही. तुमच्या शहरात पेट्रोल-डिझेलचा भाव काय आहे..

अमेरिकेच्या फेडरल रिझर्व्ह बँकेने (US Federal Reserve) महागाई आटोक्यात आणण्यासाठी पुन्हा व्याजदर वृद्धीचे संकेत दिले आहेत. त्यामुळे आंतरराष्ट्रीय बाजारात सर्वच वस्तूंवर, व्यवहारांवर त्याचा परिणाम दिसून येईल.

कच्च्या तेलाच्या किंमती घसरलेल्या असतानाही, भारतातील तेल कंपन्यांना अद्यापही नुकसान होत असल्याचा दावा करण्यात येत आहे. तज्ज्ञांच्या मते भारतीय कंपन्यांना डिझेलवर अद्यापही 8 रुपयांचा प्रति लिटर तोटा सहन करावा लागत आहे.

दिल्लीत मंगळवारी पेट्रोलची किंमत 96.72 रुपये आणि डिझेलची किंमत 89.62 रुपये प्रति लिटर होती. तर मुंबईत पेट्रोल 106.31 रुपये आणि डिझेल 94.27 रुपये प्रति लिटर होते.

चेन्नई मध्ये पेट्रोल 102.63 रुपये प्रति लिटर तर डिझेल 94.24 रुपये प्रति लिटर मिळत होते. कोलकातामध्ये पेट्रोल 106.03 रुपये प्रति लिटर आणि डिझेल 92.76 रुपये प्रति लिटर विक्री होत आहे.

आंतरराष्ट्रीय बाजारात कच्च्या तेलाच्या किंमतीत सातत्याने चढउतार होत आहे. पण देशातंर्गत पाच महिन्यांपासून पेट्रोल आणि डिझेलच्या किंमतीत कोणताही बदल झालेला नाही. 7 एप्रिल 2022 रोजीपासून किंमतीत बदल झालेला नाही.

22 मे रोजी केंद्र सरकारने पेट्रोल आणि डिझेलवरील उत्पादन शुल्कात कपात केली होती. तर काही राज्यांनीही त्यांच्या शुल्कात कपात केली होती. अबकारी कर कमी झाल्याने काही राज्यात पेट्रोल-डिझेलच्या किंमतीत 10 रुपयांची सवलत मिळाली.

सोमवारी कच्च्या तेलाच्या किंमतीत तेजी आली होती. मंगळवारी ब्रेंट क्रूड (Brent crude) 0.02 टक्क्यांनी घसरले. अमेरिकेसह युरोपमध्ये पुन्हा मंदीची शक्यता आहे. त्याचा परिणाम तेलाच्या मागणीवर होण्याची शक्यता आहे.

पण एसएमएसद्वारे (SMS) पेट्रोल-डिझेलचे दररोजचे दर जाणून घेऊ शकता . इंडियन ऑईलच्या ग्राहकांना RSP टाईप करुन 9224992249 या मोबाईल क्रमांक आणि बीपीसीएल (BPCL) ग्राहकांनी RSP टाईप करुन 9223112222 क्रमांकावर पाठवावा. तर, एचपीसीएल (HPCL) ग्राहक एचपीप्राइस (HPPrice) टाईप करुन तो 9222201122 या मोबाईल क्रमांकावर पाठवून किंमत जाणून घेऊ शकतो.