Rajpal Yadav: मोठी अपडेट! राजपाल यादवला जामीन की जेल? कोर्टाने घेतला मोठा निर्णय

बॉलिवूड अभिनेता राजपाल यादव प्रकरणात मोठी अपडेट समोर आली आहे. दिल्ली उच्च न्यायालयाकडून राजपाल यादवला मोठा दिलासा मिळाल्याची माहिती समोर आली आहे. कोर्टाने 18 मार्च पर्यंत राजपाल यादवला अंतरिम जामीन मंजूर केला आहे. तक्रार दाराच्या खात्यात दीड कोटी रुपये हस्तांतरीत करण्यात आले होते असा युक्तीवाद राजपाल यादव यांच्या वकीलाने केला आहे.

18 मार्चपर्यंत जामीन

बॉलिवूडमधील कॉमेडी अभिनेता राजपाल यादव गेल्या काही दिवसांपासून चेक बाऊंस प्रकरणात तो तिहार जेलमध्ये आहे. त्याला अटक होताच बॉलिवूडमधील अनेक कलाकारांनी मदतीचा हात पुढे केला होता. सलमान खान, अजय देवगण आणि सोनू सूद यांसारख्या स्टार्सनी त्याच्या मदतीसाठी फंड गोळा केले. आता राजपाल यादवला दिल्ली कोर्टातून मोठा दिलासा मिळाल्याचे समोर आले आहे. 18 मार्च पर्यंत अंतरिम जामीन मंजूर झाल्याची माहिती समोर आली आहे.

नेमकं प्रकरण काय?

सध्या राजपाल यादव 9 कोटी रुपयांच्या लोनशी संबंधित चेक बाऊन्स केसमध्ये 5 फेब्रुवारी 2026 पासून तिहार जेलमध्ये आहे. त्याने सरेंडर केल्यानंतरच जेलमध्ये पाठवले गेले. त्याच्या जामीनाबाबत कोणतीही अधिकृत माहिती मिळेपर्यंत इंडस्ट्रीतील लोक त्याच्या पाठीमागे उभे असल्याचे दिसले. सोशल मीडियावर लोक खुलेआम त्याला सपोर्ट करताना दिसले आहेत. आता राजपाल यादवला जामीन मंजुर झाल्याचे समोर आले आहे.

कर्ज कसे वाढले?

2012 साली राजपाल यादवने स्वतः दिग्दर्शित केलेला चित्रपट ‘अता पता लापता’ साठी 5 कोटी रुपयांचे कर्ज घेतले होते. दुर्दैवाने हा चित्रपट बॉक्स ऑफिसवर फ्लॉप ठरला. त्यानंतर व्याज आणि इतर कारणांमुळे ही रक्कम 9 कोटींपर्यंत पोहोचली. कर्ज फेडण्याची तजवीज न झाल्याने कोर्टाने त्याला सरेंडर करण्याचा आदेश दिला होता. सरेंडर झाल्यानंतर राजपाल यादवला तिहार जेलमध्ये ठेवण्यात आले होते. आता त्याला जामीन मंजूर झाल्याचे समोर आले आहे.