Poco F4 GT : स्मार्टफोन 26 एप्रिलला होणार लॉंच, 120W फास्ट चार्जिंग आणि 64MP कॅमेरा.. जाणून घ्या काय आहेत वैशिष्ट्ये !
Poco F4 GT स्मार्टफोन 26 एप्रिल रोजी जागतिक बाजारपेठेत दाखल होणार आहे. नवीन पोको स्मार्टफोन कंपनीच्या अधिकृत सोशल मीडिया चॅनेलवर होणार्या व्हर्च्युअल इव्हेंटद्वारे लॉंच केला जाईल.
मुंबईः Poco F4 GT स्मार्टफोन 26 एप्रिल रोजी जागतिक बाजारपेठेत दाखल होणार आहे. नवीन पोको स्मार्टफोन कंपनीच्या अधिकृत सोशल मीडिया चॅनेलवर होणार्या व्हर्च्युअल इव्हेंटद्वारे लॉंच (Virtual event launch) केला जाईल. असा अंदाज लावला जात आहे की Redmi K50 गेमिंग एडिशनला मोठ्या प्रमाणात Poco F4 GT म्हणून रीब्रँड (Rebrand) केले जाऊ शकते. Redmi K50 गेमिंग एडिशनमध्ये 120Hz रिफ्रेश रेट डिस्प्ले, ट्रिपल रिअर कॅमेरा सेटअप आणि 120W फास्ट चार्जिंगसह (Fast Charging) 4700mAh बॅटरी आहे. दरम्यान, गीकबेंच बेंचमार्किंग साइटवर Xiaomi 21121210G मॉडेल क्रमांकासह Xiaomi स्मार्टफोनही दिसत आहे. सूची Poco F4 GT ची असून, त्यात जी Snapdragon 8 Gen 1 SoC आणि 11GB RAM सह दिसते. Poco F4 GT आता Poco F3 GT च्या जागी येत आहे.
सोशल मिडीया प्लॅटफॉर्मवर लाइव्ह
Poké च्या YouTube, Twitter आणि Facebook प्लॅटफॉर्मवर लाइव्ह स्ट्रीम करण्यासाठी व्हर्च्युअल इव्हेंटमध्ये Poco F4 GT 26 एप्रिल रोजी रात्री 8 वाजता, जागतिक स्तरावर लॉंच होईल. कंपनीने लॉंचींगसाठी मीडिया आमंत्रणे पाठवण्यास सुरुवात केली आहे. मात्र, आगामी स्मार्टफोनच्या किंमती आणि स्पेसिफिकेशनबाबत सध्या कोणतीही माहिती देण्यात आलेली नाही. Xiaomi स्मार्टफोन गीकबेंच वेबसाइटवर 21121210G मॉडेल क्रमांकासह दिसला आहे. सूची Poco F4 GT असल्याचे मानले जाते. सूचीमध्ये असे दिसून आले आहे की नवीन स्मार्टफोनमध्ये 11GB RAM असेल. हा फोन Android 12 वर काम करेल. प्रोसेसरसाठी, यात एक ऑक्टा-कोर चिपसेट असेल, जो सूचित करतो की नवीन Poco F4 GT स्नॅपड्रॅगन 8 Gen 1 द्वारे समर्थित असेल. रीब्रँडेड स्मार्टफोन असल्यास Poco F4 GT आणि Redmi K50 गेमिंग एडिशनची वैशिष्ट्ये सारखीच असतील.
Poco F4 GT चे स्पेसिफिकेशन्स
स्पेसिफिकेशन्सच्या बाबतीत, Redmi K50 गेमिंग एडिशन 1080×2400 पिक्सेल, 120Hz रिफ्रेश रेट आणि कॉर्निंग गोरिल्ला ग्लास व्हिक्टस संरक्षणासह 6.67-इंचाचा फुल HD+ AMOLED डिस्प्ले देऊ शकतो. ऑपरेटिंग सिस्टमबद्दल बोलायचे झाले तर हा स्मार्टफोन Android 12 वर आधारित MIUI 13 वर काम करतो. तसेच या स्मार्टफोनमध्ये Qualcomm Snapdragon 8 Gen 1 SoC उपलब्ध असेल. स्टोरेजबद्दल बोलायचे झाले तर 12GB रॅम आणि 256GB पर्यंत स्टोरेज असून, या स्मार्टफोनमध्ये 64-मेगापिक्सलचा पहिला कॅमेरा, 8-मेगापिक्सलचा दुसरा कॅमेरा आणि 2-मेगापिक्सलचा तिसरा कॅमेरा आहे. सेल्फीसाठी या स्मार्टफोनमध्ये 20-मेगापिक्सलचा फ्रंट कॅमेरा आहे. बॅटरी बॅकअपबद्दल बोलायचे झाले तर, या स्मार्टफोनमध्ये 4700mAh बॅटरी आहे जी 120W फास्ट चार्जिंगला सपोर्ट करते.
संबंधित बातम्या
Chandrapur Crime : चोरांनी चक्क सुरक्षा रक्षकाची बंदूकच पळवली, बँक ऑफ इंडियाची शाखाही फोडली
भारतातील पैलवानांचा खासबागेत शड्डू घुमणार; कोल्हापूरात होणार राष्ट्रीय कुस्ती स्पर्धा…
