जमीन खरेदी करण्यासाठी कर्जाची गरज आहे का? कसे मिळवायचे लोन, जाणून घ्या

देशभरात विशेषत: महानगरे आणि टियर-1 शहरांमध्ये जमिनीच्या वाढत्या किमतींमुळे निवासी भूखंड खरेदी करणे दिवसेंदिवस अवघड होत चालले आहे. तुम्हाला माहित आहे का की, तुम्ही जमीन खरेदी करण्यासाठी कर्ज घेऊ शकता? जमीन विकत घेण्यासाठी कर्ज हे गृहकर्जासारखे असते, पण त्याच्या अटी असतात. जाणून घेऊया जमीन खरेदीसाठी कोणाला मिळू शकतं कर्ज? त्याचे व्याजदर काय आहेत?

जमीन खरेदी कर्ज म्हणजे काय? जमीन किंवा भूखंड खरेदी करण्यासाठी कर्ज हे गृहकर्जासारखे सुरक्षित कर्ज आहे. हे कर्ज विशेषत: बँका आणि NBFC कडून जमीन किंवा भूखंड खरेदी करण्यासाठी दिले जाते, ज्यावर भविष्यात घर बांधले जाऊ शकते.

गृहकर्जाशी यात बरेच साम्य असले तरी काही फरकही आहेत. जमीन खरेदी कर्जाचे व्याजदर गृहकर्जापेक्षा थोडे जास्त असून मुदत कमी आहे. परिणामी, अशा कर्जांवरील EMI (समान मासिक हप्ते) सहसा जास्त असतो. व्याजदर 8.6 टक्क्यांपासून सुरू होऊन वार्षिक 17 टक्क्यांपर्यंत जाऊ शकतात. कमीत कमी 5 वर्षते 20 वर्षांच्या मुदतीपर्यंत तुम्ही कर्ज घेऊ शकता.

तुम्हाला किती कर्ज मिळू शकतं? कर्जाची रक्कम वेगवेगळ्या सावकारांकडे वेगवेगळी असते. परंतु बँका आणि NBFC सहसा मालमत्तेच्या किंमतीच्या केवळ 60 ते 80 टक्के वित्तपुरवठा करतात. कर्जाची रक्कम 25 लाखरुपयांपासून सुरू होऊन 15 कोटी रुपयांपर्यंत जाऊ शकते. हे जमिनीचे स्थान, कर्जदाराचा क्रेडिट स्कोअर आणि इतिहास आणि परतफेड क्षमतेवर अवलंबून असते. याशिवाय कर्जदाराचे वय, उत्पन्नाचे स्थैर्य, शैक्षणिक पार्श्वभूमी इ. गोष्टीही सावकार पाहतात. बहुतेक कर्जदार अशा कर्जासाठी प्रस्तावित निवासी जागा तारण ठेवण्याची मागणी करतात.

पात्रतेचे निकष काय आहेत?

जमीन खरेदी साठी कर्जासाठी पात्रतेचे निकष गृहकर्जासारखेच असतात. कर्जदाराचे वय 21 ते 65 या दरम्यान असावे आणि त्याचे उत्पन्न स्थिर असावे. कर्ज मंजूर करण्यापूर्वी बँका आणि NBFC ची मागणी असलेल्या काही सामान्य पात्रता अटी आणि कागदपत्रे येथे आहेत.

कर्जासाठी ‘या’ अटी पूर्ण करा

अर्जदार एकतर पगारदार किंवा स्वयंरोजगार करणारा असावा.

पगारदारांचे दरमहा किमान उत्पन्न 10,000 रुपये असले पाहिजे, परंतु ते वेगवेगळ्या सावकारांनुसार बदलते.

स्वयंरोजगार करणाऱ्यांना किमान दोन लाख रुपयांचे वार्षिक उत्पन्न सादर करावे लागणार आहे. परंतु ते वेगवेगळ्या सावकारांमध्ये देखील बदलते.

अर्जदाराचा क्रेडिट स्कोअर चांगला असावा

आवश्यक कागदपत्रे कोणती?

ओळखपत्र (आधार/पासपोर्ट/मतदार ओळखपत्र/ड्रायव्हिंग लायसन्स/पॅनकार्ड)

पत्त्याचा पुरावा (रेशन कार्ड / वीज बिल / भाडेकरार / पासपोर्ट / व्यापार परवाना / विक्रीकर प्रमाणपत्र)

बँक स्टेटमेंट (मागील 6 महिने)

व्यवसाय / व्यावसायिकांसाठी नवीनतम आयटी मूल्यांकन

जमीन कर पावती

शीर्षक दस्तऐवज

बँकेच्या ‘पॅनल अ‍ॅडव्होकेट’कडून कायदेशीर चौकशी अहवाल

बँकेला आवश्यक असलेली इतर कोणतीही कागदपत्रे

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)