RBI : रिझर्व्ह बँकेचा हा निर्णय तुम्हाला पडणार महागात..ऐन सणासुदीत खिश्यावर येणार ताण..

नवी दिल्ली : भारतीय रिझर्व्ह बँक (RBI) महागाई (Inflation) आटोक्यात आणण्यासाठी उपाय करणारा असली तरी त्यामुळे तुमच्या खिश्यावर भार पडणार आहे. तुम्हाला महागाईच्या झळा सहन कराव्या लागणार आहे. जगभरातील अनेक केद्रीय बँकांनी महागाई आटोक्यात आणण्यासाठी व्याजदर (Interest Rate) वाढवले आहेत.

RBI महागाईला चित्त करण्यासाठी रणनीती आखत आहे. केंद्रीय बँक लवकरच रेपो दरात वाढ करणार आहे. अमेरिकन फेडरल रिझर्व्ह बँकेने आणि इतर केंद्रीय बँकांनी व्याजदर वाढवले. त्यानंतर आरबीआय ही व्याजदर वाढवण्याची शक्यता आहे.

भारतीय रिझर्व्ह बँक येत्या शुक्रवारी सलग चौथी व्याज दर वाढ करण्याची दाट शक्यता आहे. महागाई आटोक्यात आणण्यासाठी आरबीआयने आतापर्यंत रेपो दरात 1.40 टक्क्यांची वाढ केली आहे. त्यामुळे सर्वसामान्यांचे कंबरडे मोडले आहे. त्यात आता पुन्हा व्याजदर वृद्धीने जनता हैराण होणार आहे.

रेपो दर चार टक्क्यांहून वाढून आता 5.40 टक्क्यांवर पोहचला आहे. पतधोरण समितीची (MPC) 30 सप्टेंबर रोजी बैठक होण्याची शक्यता असून रेपो दरात 0.50 टक्क्यांची वृद्धी अपेक्षित आहे. असा निर्णय झाल्यास रेपो दर 5.90 टक्के होईल. त्यामुळे कर्ज पुन्हा महाग होईल आणि कर्जावरील ईएमआयमध्ये सुद्धा वाढ होईल.

रेपो दरात मे महिन्यात 0.40 टक्क्यांची वृद्धी झाली होती. तर जून आणि ऑगस्ट महिन्यात रेपो दरात 0.50-0.50 टक्क्यांची वाढ झाली. ग्राहक मूल्य सूचकांकवर आधारीत किरकोळ महागाई दर ऑगस्ट महिन्यात सात टक्क्यांवर पोहचला आहे. पतधोरण समिती या किरकोळ महागाई दरावर लक्ष ठेऊन असते.

आरबीआय गव्हर्नरच्या अध्यक्षतेखाली पतधोरण समितीची तीन दिवसांची बैठक बुधवारपासून सुरु होत आहे. रेपो दराबाबत येत्या शुक्रवारी 30 सप्टेंबर रोजी निर्णय होईल. रेपो दरात किती वाढ होईल याची माहिती मिळेल. जर रेपो दरात जास्त वाढ झाली नाही तर महागाई आटोक्यात येण्याचा विश्वास आरबीआयला आहे, असे स्पष्ट होईल.