Government Companies | सरकारी कंपन्यांचे शेअरही करतील मालामाल, वेळेत करा गुंतवणूक..

Government Companies | सार्वजनिक क्षेत्रातील ( public sector) कंपन्यांचे शेअर (Share) चांगला परतावा देत नाही, असा सर्वमान्य गैरसमज आहे. आकड्यांवर नजर टाकली तर या कंपन्यांचे शेअर ही चांगला परतावा देत असल्याचे दिसून येईल. एनआई रिसर्चचे (NI Research) संचालक किशोर ओस्तवाल यांच्या मते गुंतवणूक चांगल्याच कंपन्यांमध्ये करावी. सरकारी कंपनी असली तरी त्यात गुंतवणूक करणे फायद्याचे ठरते. या कंपन्यांनी चांगला परतावा दिला आहे. त्यामुळे खासगी कंपन्यांसोबतच गुंतवणूकदारांनी (Investors) सरकारी कंपन्यांवरही विश्वास दाखवायला हवा.

निवडणुकांचा असाही प्रभाव

आकड्यांवर नजर टाकली की एक विलक्षण गोष्ट लक्षात येईल. निवडणुकांपूर्वी नेहमीच सार्वजनिक क्षेत्रातील कंपन्यांच्या शेअरमध्ये सुधारणा होते. नवीन सरकार सुधारणा करेल. निधी देईल या आशेवर कंपन्यांची कामगिरी सुधारते आणि त्याआधारे कंपन्या पुढील दोन वर्षे दमदार कामगिरी करतात.

चांगले क्रेडिट रेटिंग

सरकारी कंपन्यांमध्ये चांगला फायदा होतो. त्यांचे क्रेडिट रेटिंग चांगले असते. त्यांना कर्ज अथवा उधार घेण्याची कमी गरज पडते. या कंपन्यांमध्ये प्रमोटर नसतात. त्याचा परिणाम लाभांश देताना होतात. या कंपन्यांची हमी सरकार घेते. परिणामी लाभांश ही जोरदार मिळतो.

खासगी बँकेचा सरकारी शेअर

आयसीआयसीआय प्रडेंशियल म्युच्युअल फंडने सार्वजनिक उपक्रमातील कंपन्यांचा एक वेगळा इक्विटी फंड सुरू केला आहे. आता बोला, म्हणजे तुम्ही सरकारी कंपन्यांना नावे ठेवणार. खासगी कंपन्यांचे कौतूक करणार. पण आता त्यांचा एक ओपन-एंडेड इक्विटी फंड तयार करण्यात आला आहे.

तीनही मार्केट कॅपमध्ये गुंतवणुकीची संधी

आयसीआयसीआय प्रडेंशियल म्युच्युअल फंडने गुंतवणुकदारांना दीर्घकालीन म्हणजे लार्ज, मीड आणि स्मॉल कॅपमध्ये गुंतवणुकीची संधी दिली आहे. ही गुंतवणूक सरकारी कंपन्यांत दीर्घ कालीन असेल. त्यामुळे गुंतवणूकदारांना चांगला फायदा मिळेल.

मोठा हिस्सा सरकारकडे

सरकारी कंपन्यांमध्ये विदेशी पोर्टफोलिया गुंतणूकदार, संस्थागत गुंतवणूकदार यांची संख्या मर्यादीत असते. सरकारकडे कंपनीतील सर्वात मोठा हिस्सा असतो. त्यामुळे सार्वजनिक क्षेत्रातील या कंपन्यांमधील गुंतवणूक जोखमीची ठरत नाही. या गुंतवणुकीची हमी सरकारच एकप्रकारे घेते. हे पण गुंतवणुकीसाठीचे मुख्य आकर्षण ठरते.