SIP की PPF? गुंतवणुकीतून 15 वर्षांत किती पैसे मिळणार? जाणून घ्या
गुंतवणूक करायची आहे का? पर्याय सूचत नाही? चिंता करू नका. यावर आम्ही एक चांगला पर्याय सांगत आहोत. तुम्ही दीर्घकालीन योजनेत गुंतवणूक करण्याचा विचार करत असाल तर म्युच्युअल फंड SIP आणि पब्लिक प्रॉव्हिडंट फंड (PPF) हे दोन्ही तुमच्यासाठी उत्तम पर्याय आहेत. जाणून घ्या.
गुंतवणूक करायचं म्हटलं की बरेच पर्याय आपल्याकडे असतात. पण, नेमकी गुंतवणूक कोणत्या योजनेत करावी, हे कळत नाही. यावर आम्ही तुम्हाला दोन चांगले पर्याय देत आहोत. तुम्ही दीर्घकालीन योजनेत गुंतवणूक करण्याचा विचार करत असाल तर म्युच्युअल फंड SIP आणि पब्लिक प्रॉव्हिडंट फंड (PPF) हे दोन्ही तुमच्यासाठी उत्तम पर्याय आहेत. जाणून घ्या.
SIP किंवा PPF यामध्ये किती गुंतवणूक करावी?
तुम्ही दीर्घकालीन योजनेत गुंतवणूक करण्याचा विचार करत असाल तर म्युच्युअल फंड SIP आणि पब्लिक प्रॉव्हिडंट फंड (PPF) हे दोन्ही तुमच्यासाठी उत्तम पर्याय आहेत. PPF 15 वर्षांनंतर मॅच्युअर होतो. एका आर्थिक वर्षात PPF मध्ये जास्तीत जास्त दीड लाख रुपयांची गुंतवणूक करता येते. त्याचबरोबर तुम्ही SIP ध्ये कितीही रक्कम गुंतवू शकता आणि कितीही वर्षे त्यात गुंतवणूक सुरू ठेवू शकता.
मार्केट लिंक्ड स्कीम
म्युच्युअल फंड SIP आणि पब्लिक प्रॉव्हिडंट फंड (PPF) या दोन्ही योजनांमध्ये सर्वात मोठा फरक म्हणजे PPF ही गॅरंटीड परतावा देणारी सरकारी योजना आहे, तर SIP ही मार्केट लिंक्ड स्कीम आहे, त्यामुळे त्याचे व्याजही मार्केट बेस्ड आहे. येथे जाणून घ्या सलग 15 वर्षे PPF मध्ये वार्षिक दीड लाख रुपये जमा केले आणि तेवढीच रक्कम SIP मध्ये गुंतवली तर तुम्हाला किती नफा मिळेल? जाणून घ्या.
परतावा किती मिळणार?
PPF किंवा SIP यामध्ये आपण वार्षिक 1.5 लाख रुपयांची गुंतवणूक केली तर आपण दरमहा 12,500 रुपये गुंतवणूक कराल. अशा प्रकारे तुम्ही 15 वर्षात एकूण 22,50,000 रुपयांची गुंतवणूक कराल. PPF ही गॅरंटीड परतावा देणारी योजना आणि SIP ही मार्केट लिंक्ड स्कीम असल्याने दोघांचेही हित वेगळे आहे. PPF वर तुम्हाला 7.1 टक्के दराने व्याज मिळते, तर दीर्घ मुदतीत SIP चा सरासरी परतावा 12 टक्के मानला जातो.
किती रक्कम मिळेल?
तुम्ही PPF मध्ये सलग 1.5 लाख रुपये 15 वर्षे गुंतवले तर तुम्हाला 7.1 टक्के व्याजदराने एकूण 40,68,209 रुपये मॅट्युरिटी रक्कम मिळेल. यामध्ये तुम्ही 22,50,000 रुपयांची गुंतवणूक कराल आणि तुम्हाला व्याजातून 18,18,209 रुपये मिळतील.
40,57,200 रुपये मिळतील
तुम्ही SIP मध्ये सलग 15 वर्षे वार्षिक 1.5 लाख रुपयांची गुंतवणूक केली तर 12 टक्के परताव्यानुसार तुम्हाला 15 वर्षांनंतर मॅच्युरिटी अमाउंट म्हणून 63,07,200 रुपये मिळतील. यामध्ये तुम्ही 22,50,000 रुपये गुंतवणार असून तुम्हाला व्याज म्हणून 40,57,200 रुपये मिळतील.
एक्सटेन्शनचा पर्याय
तुम्हाला PPF मध्ये 15 वर्षांपेक्षा जास्त काळ गुंतवणूक करायची असेल तर तुम्ही तेही करू शकता. या योजनेत तुम्हाला एक्सटेन्शनचा पर्याय मिळतो. मात्र, ही मुदतवाढ पाच वर्षांच्या कालावधीत दिली जाते. यासाठी ज्या ठिकाणी तुमचे पोस्ट खाते उघडले आहे, त्या ठिकाणी मॅच्युरिटीच्या तारखेपासून 1 वर्ष पूर्ण होण्यापूर्वी तुम्हाला अर्ज द्यावा लागेल. यानंतर मुदतवाढीसाठी फॉर्म भरून सबमिट करावा लागेल.
जोखीम लक्षात घेऊनच गुंतवणूक
SIP ही मार्केट लिंक्ड स्कीम आहे, त्यामुळे त्यात परताव्याची हमी देता येत नाही. दीर्घ मुदतीत अंदाजानुसार 12 टक्के परतावा दिला जातो. बाजारातील परिस्थितीनुसार ते कमी-अधिक असू शकते. मात्र, ही जोखीम असूनही संपत्ती निर्मितीच्या दृष्टीने SIP खूप चांगली मानली जाते कारण त्यात रुपयाच्या खर्चाच्या सरासरीचा फायदा होतो, त्यामुळे तोटा मोठ्या प्रमाणात भरून निघतो. तरीही तुम्ही त्यात गुंतवणूक करत असाल तर SIP ची जोखीम लक्षात घेऊनच गुंतवणूक करा.
Disclaimer : टीव्ही 9 मराठी वाचकांना गुंतवणुकीचा सल्ला देत नाही. कोणत्याही योजनेत आर्थिक गुंतवणूक करण्याआधी तज्ञांचा सल्ला घ्यावा.
