Today Gold-Silver Price : सोन्याच्या घसरणीला ब्रेक, दरात किंचत वाढ; जाणून घ्या आजचे सोन्या-चांदीचे भाव
आज सोन्याच्या घसरणीला ब्रेक लागला असून, सोन्याच्या दरात किंचित वाढ दिसून येत आहे. मुंबईमध्ये 22 कॅरट सोन्याचे दर प्रति तोळा 47 हजार 500 रुपये इतके आहेत.
मुंबई : गेल्या काही दिवसांपासून सातत्याने सोन्याच्या दरात (Gold Price) घसरण सुरू आहे. गेल्या काही आठवड्यात सोन्याच्या (Gold) दरात तब्बल तीन ते चार हजारांची घसरण झाल्याचे पहायला मिळत आहे, दुसरीकडे सोने स्वस्त होत असल्याने सोन्यामधील गुंतवणूक वाढताना दिसत आहे. आज मात्र सोन्याच्या घसरणीला ब्रेक लागला असून, सोन्याच्या दरात किंचित वाढ झाली आहे. गुड रिटर्न्स वेबसाईटने दिलेल्या माहितीनुसार आज 22 कॅरट सोन्याचे दर प्रति तोळा 47 हजार 500 रुपयांवर पोहोचले आहेत. सोमवारी 22 कॅरट सोन्याचे दर प्रति तोळा 47 हजार 400 इतके होते. त्यामध्ये आज प्रति तोळा 100 रुपयांची वाढ झाली आहे. तर दुसरीकडे 24 कॅरट सोन्याचे दर हे 51810 रुपयांवर पोहोचले आहेत. चांदीचा दर (Silver Price) प्रति किलो 62500 इतका आहे. सोन्याचे दर हे दिवसातून दोनदा जाहीर होतात. एक सकाळी सराफा मार्केट सुरू होताच तर दुसरे सायंकाळी, त्यामुळे सोन्याच्या दरात शहरनिहाय तफावत आढळून येते.
राज्याच्या प्रमुख शहरातील भाव
गुड रिटर्न्स वेबसाईटने दिलेल्या माहितीनुसार आज मुंबईमध्ये 22 कॅरट सोन्याचा दर प्रति तोळा 47 हजार 500 रुपये एवढा आहे, तर 24 कॅरट सोन्याचा दर प्रति तोळा 51 हजार 810 रुपये प्रति तोळा आहे. पुण्यात 22 कॅरट सोन्याचा दर प्रति तोळा 47 हजार 580 रुपये असून, 24 कॅरट सोन्याचा दर प्रति तोळा 51 हजार 890 इतका आहे. राज्याची उपराजधानी असलेल्या नागपूरमध्ये 22 कॅरट सोन्याचा दर प्रति तोळा 47 हजार 580 रुपये आहे, तर 24 कॅरट सोन्याचा दर प्रति तोळा 51 हजार 890 इतका आहे. नाशिकमध्ये 22 आणि 24 कॅरट सोन्याचा दर अनुक्रमे 47 हजार 540 आणि 51 हजार 860 इतका आहे.
गुंतवणूकदांरामध्ये चिंता
दरम्यान गेल्या काही दिवसांपासून सोन्याच्या दरात सातत्याने घसरण सुरू असल्याचे पहायला मिळत आहे. सोन्याच्या दरात घसरण सुरू असल्याने गुंतवणूकदारांची चिंता वाढली आहे. तर दुसरीकडे सोन्याचे दर स्वस्त होत असल्याने सोन्याच्या मागणीत देखील वाढ झाली आहे. सध्या भारतात लग्नाचा हंगाम असल्याने सोन्याची मागणी वाढली आहे. गेल्या दीड महिन्यापासून रशिया -युक्रेन युद्ध सुरू आहे, या युद्धाचा परिणाम जसा इतर वस्तूंच्या दरांवर झाला आहे, तसाच परिणाम हा सोन्याच्या दरावर देखील झाला असून, आंतराष्ट्रीय पातळीवर सोन्याच्या मागणीत घट झाली आहे. मागणी घटल्याने सोने स्वस्त झाल्याचे पहायला मिळत आहे.