Chhagan Bhujbal : मोठी अपडेट! छगन भुजबळ मुख्यमंत्री देवेंद्र फडणवीसांच्या भेटीला

छगन भुजबळ यांनी मुख्यमंत्री देवेंद्र फडणवीस यांची वर्षा निवासस्थानी भेट घेतली. ही भेट अजित पवार यांच्या निधनानंतरच्या राजकीय घडामोडींच्या पार्श्वभूमीवर अत्यंत महत्त्वाची मानली जात आहे. राष्ट्रवादी काँग्रेस पक्षाने अजित पवारांकडील मंत्रिपदाची खाती पक्षाच्या इतर मंत्र्यांकडेच राहावीत, अशी मागणी करणारे पत्र मुख्यमंत्र्यांना देण्याची शक्यता आहे. या संदर्भात या भेटीत चर्चा झाल्याचे बोलले जात आहे.

याचबरोबर, उपमुख्यमंत्रीपद रिक्त झाल्याने, या पदासाठी सुनेत्रा पवार यांचे नाव आघाडीवर असल्याचेही सूत्रांकडून समजते. अनेक आमदारांकडून सुनेत्रा पवार यांच्या नावाची शिफारस केली जात आहे. या सर्व घडामोडींच्या अनुषंगाने छगन भुजबळ यांनी मुख्यमंत्र्यांची भेट घेतली. प्रफुल्ल पटेल आणि सुनील तटकरे यांच्यासह राष्ट्रवादी काँग्रेसचे काही नेतेही यासंदर्भात मुख्यमंत्र्यांची भेट घेण्याची शक्यता आहे. या भेटीनंतर पुढील राजकीय दिशा स्पष्ट होण्याची शक्यता आहे.