Devendra Fadnavis : ज्यांना माल कमावायचा आहे, असे लोक कल्याण…; फडणवीसांचा संतोष बांगरांवर निशाणा

हिंगोली नगरपरिषदेच्या निवडणुकीमुळे सध्या भाजप आणि शिंदे गट शिवसेनेत जोरदार संघर्ष सुरू आहे. शिंदे गट शिवसेनेचे आमदार संतोष बांगर यांनी पहाटे १०० पोलिसांनी आपल्या घरात घुसून झडती घेतल्याचा दावा केला आहे. स्थानिक आमदार तानाजी मुटकुळे यांच्या सांगण्यावरूनच पोलिसांनी ही कारवाई केल्याचा आरोप बांगर यांनी केला. यावर, भाजप आमदार तानाजी मुटकुळे यांनी संतोष बांगर यांनी ५० खोके घेतल्याचा पलटवार केला आहे. बांगर यांनी शिवसेना फुटीच्या काळात ५० कोटी रुपये घेतल्याचे लोक बोलतात, असे मुटकुळे म्हणाले.

या राजकीय संघर्षाच्या पार्श्वभूमीवर, मुख्यमंत्री देवेंद्र फडणवीस यांनी हिंगोली येथील प्रचारसभेत नाव न घेता आमदार संतोष बांगर यांच्यावर निशाणा साधला. फडणवीस म्हणाले की, “ज्यांना केवळ आणि फक्त माल कमवायचा आहे, त्यांचे कल्याण होणार नाही.” त्यांनी जनतेला २ तारखेला कमळाचे बटन दाबण्याचे आवाहन करत, त्यानंतर पुढील पाच वर्षे जनतेची काळजी घेण्याचे आश्वासन दिले. या घटनांमुळे हिंगोलीतील राजकीय वातावरण तापले आहे.