Ekadashi Mahapooja : राज्यात दोन उपमुख्यमंत्री, यंदा कार्तिकी एकादशीला विठुरायाच्या महापूजेचा मान कोणाला?

यंदाच्या कार्तिकी एकादशीची शासकीय महापूजा राज्याचे उपमुख्यमंत्री एकनाथ शिंदे यांच्या हस्ते सपत्नीक होणार आहे. विठ्ठल रुक्मिणी मंदिरात ही परंपरा दरवर्षी पाळली जाते. राज्यामध्ये सध्या दोन उपमुख्यमंत्री असल्याने यंदाच्या पूजेच्या मानबाबत पेच निर्माण झाला होता. या संदर्भात विठ्ठल रुक्मिणी मंदिर समितीने विधी व न्याय विभागाकडे मार्गदर्शन मागवले होते. विधी व न्याय विभागाने दिलेल्या मार्गदर्शनानुसार, कार्तिकी एकादशीची शासकीय महापूजा उपमुख्यमंत्री एकनाथ शिंदे यांनीच करावी असा निर्णय घेण्यात आला.

मंदिर समितीचे कार्यकारी अधिकारी राजेंद्र शेळके यांनी याबाबतची माहिती दिली आहे. या निर्णयामुळे अनेक दिवसांपासून सुरू असलेल्या चर्चेला पूर्णविराम मिळाला आहे. उपमुख्यमंत्री एकनाथ शिंदे सपत्नीक श्री विठ्ठल-रुक्मिणीची शासकीय महापूजा पार पाडतील.