दुबईमध्ये काय घडले? प्रवाशाने सांगितलं नेमकं काय घडलं
दुबईहून दिल्लीला परतलेल्या एका प्रवाशाने मध्य पूर्वेतील तणावाच्या पार्श्वभूमीवर तेथील सद्यस्थिती स्पष्ट केली आहे. मिसाईल व ड्रोन दिसत असले आणि त्यांचे आवाज येत असले तरी दुबईतील जनजीवन सामान्य आणि स्थिर असल्याचे त्यांनी सांगितले. रद्द झालेल्या विमानामुळे प्रवास मार्गात बदल करून ते दिल्लीला पोहोचले.
मध्य पूर्वेतील अमेरिका-इराण तणावाच्या पार्श्वभूमीवर, दुबईहून दिल्लीला परतलेल्या एका प्रवाशाने तेथील परिस्थितीबद्दल महत्त्वाचे निरीक्षण नोंदवले आहे. त्यांच्या माहितीनुसार, दुबईमध्ये जनजीवन सामान्य असून, परिस्थिती स्थिर आहे.
मूळ नियोजनानुसार, त्यांची एअर इंडियाची फ्लाईट रद्द झाल्यामुळे, प्रवाशाने दुबईतून हत्ता बॉर्डरमार्गे (यूएई-ओमान सीमा) ओमानमध्ये प्रवेश केला. त्यानंतर मस्कटमधून ओमान एअरच्या विमानाने ते दिल्लीला पोहोचले. दुबईतील परिस्थितीबद्दल विचारले असता, त्यांनी इट्स नॉर्मल, इट्स परफेक्टली फाईन नाऊ असे सांगितले.
मिसाईल किंवा ड्रोन दिसत असले तरी ते एक सामान्य बाब असून, हल्ल्याच्या वेळी ते दिसणे अपेक्षितच आहे असे प्रवाशाचे म्हणणे होते. केवळ आवाज ऐकू येत होते, असे नमूद करत, मोठ्या प्रमाणावर विध्वंस किंवा अराजकाची स्थिती नसल्याचे त्यांनी स्पष्ट केले. सर्व काही व्यवस्थित आणि व्हेरी ऑर्गनाइज्ड असल्याचेही त्यांनी सांगितले. कुटुंबासोबत सण साजरा करता येत असल्याचा आनंद त्यांनी व्यक्त केला. या प्रवाशाच्या अनुभवानुसार, दुबईतील परिस्थिती स्थिर असून, घाबरण्यासारखे काही नाही.
