Ajit Pawar : घरी जाऊन बायकोला Love You बोल… लव्ह यू म्हणणाऱ्या कार्यकर्त्याला दादांचं उत्तर अन् एकच हस्यकल्लोळ

पिंपरी चिंचवड येथे आयोजित एका सभेदरम्यान राज्याचे उपमुख्यमंत्री अजित पवार यांनी उपस्थितांमध्ये आपल्या मिश्किल स्वभावाने एकच हशा पिकवला. सभेतील एका उत्साही कार्यकर्त्याने अजित पवारांना उद्देशून “अजितदादा, वी लव्ह यू!” असे उद्गार काढले. या अनपेक्षित प्रेमाच्या घोषणेवर अजित पवारांनी आपल्या खास शैलीत विनोदी आणि तितकेच राजकीय उत्तर दिले. पवारांनी तत्काळ प्रतिक्रिया देत कार्यकर्त्याला राष्ट्रवादी काँग्रेस पक्षाच्या निवडणूक चिन्हाचा संदर्भ दिला.

अजित पवार म्हणाले, “हा… घड्याळाचं बटन दाब, ती लव्ह यू राहू दे बाजूला.” यानंतर त्यांनी आणखी गंमतीने म्हटले, “घरी जाऊन बायकोला म्हण लव्ह यू, लव्ह यू, लव्ह यू. बायको म्हणेल आज लईच बिघडलाय गडी.” अजित पवारांच्या या हजरजबाबी आणि विनोदी उत्तराने सभेतील वातावरण हलकेफुलके झाले. त्यांच्या या विधानामुळे कार्यकर्त्यांसह उपस्थित जनसमुदायात चांगलीच करमणूक झाली. अशाप्रकारे, राजकीय व्यासपीठावरही गंभीर भाषणांच्या जोडीला हलक्याफुलक्या क्षणांची नोंद झाली, ज्यामुळे सभेला उपस्थित असलेल्यांच्या स्मरणात हा प्रसंग कायम राहील.