Manoj Jarange Patil : मराठा आरक्षणावरुन रणकंदन, OBC एल्गार सभेनंतर जरांगेंचा भुजबळांवर गंभीर आरोप, दहशत निर्माण….

मनोज जरांगे पाटील यांनी बीड जिल्ह्यात झालेल्या सभेवर तीव्र शब्दांत टीका केली आहे. ही सभा ओबीसी समाजाची नसून, बीड जिल्ह्यावर दहशत निर्माण करण्यासाठी आणि मराठा समाजाचे राजकीय अस्तित्व उद्ध्वस्त करण्याच्या उद्देशाने आयोजित करण्यात आल्याचा आरोप त्यांनी केला. छगन भुजबळ यांना लक्ष्य करत, जरांगे पाटील म्हणाले की, ही मंडळी मराठा तरुणांचे जीवन उद्ध्वस्त करण्याचा प्रयत्न करत आहेत. बीडमध्ये आपली घोंगडी बैठक यशस्वी झाल्याचा दावा करत, जरांगे पाटील यांनी विरोधकांच्या सभेच्या प्रभावावर प्रश्नचिन्ह उपस्थित केले.

भुजबळांनी मराठा समाजाची लोकसंख्या १०-१२% असल्याचे म्हटले असले तरी, जरांगे पाटील यांनी ती ५०-५५% असल्याचे ठामपणे सांगितले. मराठा आरक्षणाचा जीआर रद्द करण्याचा किंवा कुणबी नोंदी रद्द करण्याचा प्रयत्न केल्यास मराठा समाज ताकद दाखवेल, असा इशारा त्यांनी दिला. बीड जिल्ह्यातील मराठ्यांनी एकजुट होऊन महाराष्ट्राला दिशा देण्याचे आवाहनही जरांगे पाटील यांनी केले.