‘त्याचं लवकरचं विसर्जण होईल’; ठाकरे गटातील खासदाराची बांगर यांच्यावर जोरदार टीका
हिंगोलीत ठाकरे गटाचे प्रमुख उद्धव ठाकरे यांची आज जाहीर सभा होणार आहे. ते या सभेतून बंडखोर नेत्यांचा कोणत्या शब्दात समाचार घेतात याकडे राज्याचं लक्ष लागलं आहे. मात्र यांच्या आधी शिंदे गट आणि ठाकरे गटात वाकयुद्ध लागले आहे.
हिंगोली : 27 ऑगस्ट 2023 | माजी मुख्यमंत्री तथा उद्धव बाळासाहेब ठाकरे पक्षाचे प्रमुख उद्धव ठाकरे हे आज हिंगोलीच्या दौऱ्यावर आहेत. ते मराठवाड्यातील पहिली सभा हिंगोलीत घेणार असून यावेळी ते शिंदे गटातील खासदार आणि आमदार यांच्यावर येथून आसूड ओढणार आहेत. पण याच्याआधीच येथील शिंदे गटाचे नेते आमदार संतोष बांगर यांनी ठाकरे यांच्या या सभेवरून जोरदार निशाना साधला आहे.
त्याचबरोबर त्यांनी ठाकरे हे रामलीला त्यांच्या आजूबाजूच्या रावणांचे दहन करतील असे देखील त्यांनी म्हटलं आहे. त्यावरून ठाकरे गटातील नेते खासदार विनायक राऊत यांनी टीका केली आहे. ठाकरे गटातील खासदार राऊत यांनी सभेच्या आधी बांगर यांच्यावर टीका करताना, ठाकरे हे हिंगोलीच्या सभेत शिंदे गटातील या रावणांचं दहन करतील असे म्हटलं होतं.
त्यावर बांगर यांनी पलटवार करताना, मला तसं वाटत नाही. तर ठाकरे हेच हिंगोलीतील सभेत या ऐतिहासीक रामलीला मैदानावर त्यांच्या आजूबाजूला असणारे रावणांचे दहन करतील असं म्हटलं. त्यावरून आता पुन्हा एकदा राऊत यांनी बांगर यांना जोरदार प्रत्युत्तर देताना टीका केली आहे. राऊत यांनी, बांगर सारख्या फुटकळ लोकांना आम्ही किंमत देत नाही असे म्हणतं. त्याचं लवकरच विर्जण होऊल असेही म्हटलं आहे. त्यामुळे आता बांगर यावर कोणती प्रतिक्रिया देतात हे पाहावं लागेल.
