मोठी बातमी! अजितदादांच्या पक्षाने व्हीप काढला पण…त्या उल्लेखानंतर मोठी खळबळ; सोलापुरात नेमकं काय घडतंय?
राज्याच्या राजकारणातून मोठी घडामोड समोर येत आहे. विधान परिषद निवडणुकीसंदर्भात राष्ट्रवादी काँग्रेस (अजित पवार गट) कडून व्हीप जारी करण्यात आल्याची माहिती समोर आली आहे. या व्हीपमध्ये महायुतीचे उमेदवार राजेंद्र राऊत यांना मतदान करण्याचे स्पष्ट निर्देश देण्यात आले आहेत.
राज्याच्या राजकारणातून मोठी घडामोड समोर येत आहे. विधान परिषद निवडणुकीसंदर्भात राष्ट्रवादी काँग्रेस (अजित पवार गट) कडून व्हीप जारी करण्यात आल्याची माहिती समोर आली आहे. या व्हीपमध्ये महायुतीचे उमेदवार राजेंद्र राऊत यांना मतदान करण्याचे स्पष्ट निर्देश देण्यात आले आहेत.
मिळालेल्या माहितीनुसार, सोलापूर ग्रामीण जिल्हाध्यक्ष उमेश पाटील यांनी हा व्हीप जारी केला आहे. पक्षाच्या अधिकृत भूमिकेनुसार सर्व संबंधित पदाधिकारी आणि मतदारांनी महायुतीच्या उमेदवारालाच मतदान करावे, असे निर्देश देण्यात आले आहेत.
दरम्यान, या व्हीपचे पालन न केल्यास संबंधितांवर शिस्तभंगाची कारवाई करण्यात येईल, असा स्पष्ट इशाराही या आदेशात देण्यात आला आहे.
या निर्णयामुळे सोलापूर जिल्ह्यातील राजकीय वातावरण तापले असून, विधान परिषद निवडणुकीच्या पार्श्वभूमीवर महायुतीकडून हालचालींना वेग आला आहे. पुढील राजकीय घडामोडींवर सर्वांचे लक्ष लागले आहे.
