मुंबई : “या देशात मुस्लीम आणि ख्रिश्चन या दोन समाजांच्याबाबत चिंता वाटावी असं चित्र आहे”, असं वक्तव्य राष्ट्रवादी काँग्रेसचे अध्यक्ष शरद पवार यांनी केलं होतं. यानंतर भाजपचे माजी खासदार निलेश राणे यांनी शरद पवार यांच्यावर टीका केली. निलेश राणे यांनी शरद पवार यांची तुलना थेट औरंगजेबशी केली आहे. दरम्यान निलेश राणे यांनी आपल्या वक्तव्यावर स्पष्टीकरण देत शरद पवार यांनी धर्मांतर करावा असं म्हटलं आहे. “मुस्लिम धर्माला वाढवण्यासाठी जे शक्य होतं ते सगळे करायचं, पवार साहेबांनी जेवढी मुस्लिमांची बाजू घेतात, तेवढी हिंदू समाजाची कधी बाजू घेत नाही. म्हणून मला असं वाटलं की औरंगजेब परत जन्मला आला”, असं निलेश राणे म्हणाले.