Nitesh Rane : आदित्य अन् उद्धव ठाकरेंच्या मेंदूची साईज लोकांना माहितीये, राणेंची खोचक टीका

भाजप नेते आणि राज्याचे बंदर विकास मंत्री नितेश राणे यांनी मनसे अध्यक्ष राज ठाकरे यांच्या अलीकडील सभेतील भाषणावर प्रतिक्रिया दिली आहे. राणे यांनी राज ठाकरेंना “मोठे आणि अभ्यासू नेते” म्हटले असले तरी, त्यांच्या वाढवण बंदर प्रकल्पावरील माहिती चुकीची असल्याचे स्पष्ट केले. नितेश राणे यांनी उद्धव ठाकरे आणि त्यांचे पुत्र आदित्य ठाकरे यांच्यावरही जोरदार टीका केली.

आदित्य ठाकरे यांच्या दिल्ली वाहतूक विभागासंदर्भातील ट्विटचा उल्लेख करत, त्यांनी उद्धव आणि आदित्य यांच्या बुद्धीमत्तेवर प्रश्नचिन्ह उपस्थित केले. वाढवण बंदर हा एक अत्यंत महत्त्वाकांक्षी प्रकल्प असून, यामुळे महाराष्ट्रात १२ लाख प्रत्यक्ष आणि अप्रत्यक्ष रोजगाराची निर्मिती होईल, असा दावा राणे यांनी केला. ते म्हणाले की, या प्रकल्पामुळे भारत जागतिक बंदर यादीत पहिल्या पाचमध्ये येईल. राणेंनी राज ठाकरेंना चुकीची माहिती दिल्याबद्दल नाराजी व्यक्त केली आणि अशा विकास प्रकल्पांना विरोध करणे योग्य नसल्याचे मत मांडले.