Chandrakant Patil | राष्ट्रवादीच्या नव्या यादीवरून वाद, प्रफुल पटेल यांना डावललं? चंद्रकांत पाटील काय म्हणाले?

राष्ट्रवादी काँग्रेस पक्षाच्या नव्या कार्यकारिणीची घोषणा झाल्यानंतर राज्याच्या राजकीय वर्तुळात मोठी चर्चा रंगली आहे. विशेषतः पक्षाचे ज्येष्ठ नेते प्रफुल पटेल यांचे नाव पदाधिकाऱ्यांच्या नव्या यादीत नसल्याने अनेकांच्या भुवया उंचावल्या आहेत. या पार्श्वभूमीवर भाजप नेते चंद्रकांत पाटील यांनीही प्रतिक्रिया देत राष्ट्रवादी काँग्रेसवर निशाणा साधला आहे.
“एवढ्या सिनिअर माणसाला तुम्ही घेतलं कसं नाही, हा प्रश्न मी आज विचारतो,” असे म्हणत चंद्रकांत पाटील यांनी प्रफुल पटेल यांना डावलण्यात आल्याबद्दल आश्चर्य व्यक्त केले. राष्ट्रवादीच्या नव्या पदाधिकारी यादीत अनेक बदल करण्यात आले असून, त्यात काही जुन्या नेत्यांना स्थान न मिळाल्याने राजकीय चर्चांना उधाण आले आहे.
दरम्यान, प्रफुल पटेल यांचे नाव वगळण्यामागे नेमके कारण काय, याबाबत पक्षाकडून अद्याप अधिकृत स्पष्टीकरण देण्यात आलेले नाही. मात्र, या निर्णयामुळे राष्ट्रवादीतील अंतर्गत राजकारण पुन्हा एकदा चर्चेत आले आहे.