बंडखोर खासदारांच्या खासदारकीची प्रक्रिया पुर्ण होऊच शकत नाही’, बड्या नेत्याचं खळबळजनक विधान

उद्धव बाळासाहेब ठाकरे (UBT) पक्षाचे प्रवक्ते संजय राऊत यांनी नुकतीच पत्रकार परिषद घेतली. या परिषदेवेळी त्यांनी अनेक विषयांवर भाष्य केले. यावेळी त्यांनी संजय जाधव, संजय दिना पाटील यांच्यासह अनेकांबाबत आक्रमक भाषेत वक्तव्य केले. महत्त्वाचा बाब म्हणजे त्यांनी कायदे व्यवस्थेवर थेट प्रश्न उपस्थित केला.

बंडखोरी करणाऱ्या खासदारांच्या पक्ष प्रवेशावेळी उपमुख्यमंत्री एकनाथ शिंदे यांनी सांगितले की, कोणाचीही खासदारकी जाणार नसून सर्व कायदेशीर प्रक्रिया पूर्ण झाली आहे. यावर आज संजय राऊत यांनी थेट टीका केली. ते म्हणाले, “कायदेशीर कारवाई पूर्ण होऊच शकत नाही… तुमचं शासन आहे म्हणून तुम्ही मान्यता देत आहात… अन्यथा अशा पक्षफुटींना मान्यताच नाही… तुम्ही कायद्यावर दबाव आणून आसाममध्येही हेच केलं, आता महाराष्ट्रातही तेच केलं.”

दरम्यान, संजय पाटील यांनी केलेल्या काही वक्तव्यांवरून दोन्ही नेत्यांमध्ये शाब्दिक संघर्ष अधिक तीव्र झाल्याचे दिसून आले. संजय पाटील यांनी बंदुकीची धमकी दिली, “माझ्याकडे किंवा माझ्या कुटुंबाकडे वाईट नजरेने बघितलं तर हॉस्पिटलमध्ये जावं लागेल,” असे ते म्हणाले. त्यावर संजय राऊत यांनी त्यांना थेट आव्हान दिले. “मी लागतो नादाला, चल, तुझ्या नादाला लागतो मी. बंदूक दाखवू नको, नाव घेऊन बोलतो भोXXX. शिवसैनिकांना बंदूक दाखवू नकोस. मी इथेच आहे. बंदूक दाखवतोस साल्या. मी भांडूपलाच आहे, शिवसैनिकांना बंदूक दाखवतो गद्दार माणूस. ५० कोटी गिळले नाहीत का मग गप्प बस. परत बंदुकीची भाषा करायची नाही. बंदूक तुझ्या ढुंगणात घालीन. झेड प्लस सुरक्षा काढून ये. कायदा-सुव्यवस्था आहे की नाही मिस्टर फडणवीस? सोड रे एकनाथ शिंदे, चल,” अशा भाषेत संजय राऊत बोलले.