संजय राऊत आणि रामदास आठवलेंची गळाभेट; राजकीय चर्चांना उधाण

महाराष्ट्र विधानभवनात सध्या महत्त्वाच्या राजकीय घडामोडी पाहायला मिळत आहेत. कामकाज सुरू असतानाच अनेक राजकीय नेत्यांनी एकमेकांची भेट घेऊन संवाद साधला. या दरम्यान, शिवसेना (उद्धव बाळासाहेब ठाकरे) नेते संजय राऊत आणि रिपब्लिकन पक्षाचे राष्ट्रीय अध्यक्ष तसेच केंद्रीय मंत्री रामदास आठवले यांची विधानभवनात गळाभेट झाली. एकमेकांना भेटताना त्यांनी औत्सुक्याने संवाद साधला. संजय राऊत यांनी रामदास आठवले यांचे अभिनंदन केले, यावर आठवले यांनी “थँक्यू” असे उत्तर दिले.

याचवेळी, राष्ट्रवादी काँग्रेसच्या नेत्या सुप्रिया सुळे देखील विधानभवनात दाखल झाल्या. त्यांनी सर्वप्रथम धनंजय मुंडे यांची भेट घेतली. त्यानंतर त्यांनी राष्ट्रवादी काँग्रेस (अजित पवार गट) नेते छगन भुजबळ यांच्याशी देखील भेट घेऊन चर्चा केली. या भेटीगाठींमुळे सध्या विधानभवनातील राजकीय वर्तुळात अनेक चर्चांना उधाण आले आहे. महाराष्ट्रातील प्रमुख नेते मंडळींची ही भेट राजकीय दृष्ट्या महत्त्वाची मानली जात आहे.