शिवसेना खासदार राजन विचारे यांना कोरोनाची लागण झाली आहे. दरम्यान, सध्या आपली तब्येत ठिक असल्याची माहिती त्यांनी दिली. तसेच गेल्या काही दिवसांमध्ये त्यांच्या संपर्कात आलेल्या लोकांनी आपली कोरोना चाचणी करुन घ्यावी, असे आवाहन विचारे यांनी केले आहे.
भिवंडीच्या आश्रम शाळेतील 30 जणांना कोरोना
महाराष्ट्रात कोरोना आणि ओमिक्रॉनचे संकट झपाट्याने वाढत आहे. आता शासनाने 15 ते 18 वयोगटातील बालकांसाठी लसीकरण मोहीम सुरू केली आहे. पहिल्या दिवशी महाराष्ट्रात अडीच लाखांहून अधिक तरुणांनी लसीचा पहिला डोस घेतला. दरम्यान, महाराष्ट्रातील ठाणे जिल्ह्यातील एका शाळेत 28 मुले कोरोना बाधित आढळून आली आहेत. भिवंडी तालुक्यातील चिंबीपाडा येथील आश्रम शाळेत 28 विद्यार्थी कोरोना पॉझिटिव्ह आढळल्याने परिसरात घबराटीचे वातावरण आहे. या 28 कोरोना बाधित विद्यार्थ्यांपैकी 21 विद्यार्थी आहेत आणि 5 विद्यार्थिनींचा समावेश आहे. याशिवाय आश्रमशाळेतील 2 कर्मचारीही कोरोना पॉझिटिव्ह आढळले आहेत. अशाप्रकारे या शाळेच्या आवारात एकूण 30 जणांना कोरोनाची लागण झाल्याचे आढळून आले आहे.