Pinky Mali Plane Crash Death : क्रू मेंबर पिंकी माळी यांचा मृत्यू; स्थानिकांची सरकारकडे ‘ही’ मागणी

उपमुख्यमंत्री अजित पवार यांच्या विमान अपघातात क्रू मेंबर पिंकी माळी यांचा दुर्दैवी मृत्यू झाला. पिंकी माळी यांचा सासरवाडी कळवा, ठाणे येथे असल्याने त्यांच्या पार्थिवाला येथे आणण्यात आले होते. या घटनेने कळवा परिसरात शोककळा पसरली आहे. पिंकी माळी, ज्या प्रायव्हेट जेटमध्ये एअर होस्टेस म्हणून कार्यरत होत्या, त्यांचा स्वभाव मनमिळाऊ होता. त्या अनेकदा व्हीआयपींसोबतच्या प्रवासाचे अनुभव स्थानिक रहिवाशांशी शेअर करत असत.

स्थानिक रहिवाशांनी पिंकी माळी यांच्या निधनाबद्दल तीव्र दुःख व्यक्त केले आहे आणि सरकारकडे त्यांच्या कुटुंबीयांसाठी, विशेषतः त्यांचे पती सोम यांच्यासाठी आधाराची मागणी केली आहे. त्यांच्या म्हणण्यानुसार, पिंकीने यापूर्वी पायलट आणि कंपनीच्या व्यवस्थेबद्दल चिंता व्यक्त केली होती. त्यामुळे, अपघाताच्या कारणांची सखोल चौकशी व्हावी आणि तिच्या पतीला सरकारी नोकरी मिळावी अशी रहिवाशांची मुख्य मागणी आहे.