शरणागती पत्करा, नाहीतर… ; ट्रम्प यांचा इराणला थेट इशारा

डोनाल्ड ट्रम्प यांनी इराणला पुन्हा एकदा कठोर इशारा दिला आहे. इराणवरील हल्ले सुरूच राहतील, असे ट्रम्प यांनी स्पष्ट केले. आज रात्रभर इराणवर हल्ले सुरूच राहतील आणि इराणने तातडीने शरणागती पत्करावी, असे आवाहनही ट्रम्प यांनी केले. सध्या अमेरिका आणि इस्रायलचे इराणवर हल्ले सुरू असून, ते रात्रभर सुरूच राहतील, असा इशारा डोनाल्ड ट्रम्प यांनी दिला आहे. या युद्धजन्य परिस्थितीचे पडसाद अनेक ठिकाणी उमटत असल्याचे दिसून येत आहे.

ट्रम्प यांच्या मते, इराणने अमेरिकेवर हल्ला करण्याचा प्रयत्न केला होता, परंतु योग्य वेळी मागे हटण्याचा निर्णय घेतला नाही. या कारवाईमुळे इराणच्या दहा युद्धनौका नष्ट झाल्या आहेत. इराणने वारंवार खोटे बोलून अमेरिकेशी विश्वासघात केल्याचा आरोपही ट्रम्प यांनी केला. गरज पडल्यास युद्धाची व्याप्ती वाढवण्याची तयारी असल्याचे त्यांनी नमूद केले. इराणसोबत पाच आठवडे युद्ध करण्याची अमेरिकेची तयारी असल्याचेही ट्रम्प यांनी म्हटले आहे. या संपूर्ण परिस्थितीत डोनाल्ड ट्रम्प यांनी इराणला पुन्हा एकदा गंभीर इशारा दिला असून, आंतरराष्ट्रीय स्तरावर तणाव वाढला आहे.