Ganeshotsav 2025 : 18 वा गणेशोत्सव… थायलंडमध्ये भक्ती, संस्कृती अन् एकतेचा अनोखा संगम

थायलंडचा सर्वात मोठा आणि भव्य विश्व हिंदू परिषद असोसिएशन चा १८ वा वार्षिक गणेशोत्सव नुकताच मोठ्या उत्साहात पार पडला. बँकॉकमधील निमिबुत्रा स्टेडियममध्ये विश्व हिंदू परिषद असोसिएशन थायलंडने आयोजित केलेल्या या उत्सवात हजारो भाविकांनी सहभाग घेतला. भारत आणि थायलंडमधील सांस्कृतिक सेतूचे प्रतीक असलेला हा उत्सव भक्ती, कला आणि एकतेचा एक अनोखा संगम होता.

पुणेरी ढोल हे या वर्षीच्या बँकॉक मधिल विश्व हिंदू परिषद असोसिएशन महोत्सवाचे विशेष आकर्षण ठरले . पुण्यातील श्रीमंत दगडुशेठ संस्थापने द्वारा १५ सदस्यांच्या ढोल-ताशा पथकासोबत ‘नादब्रह्म’ ढोलाची ही पहिलीच वेळ होती आणि त्यांच्याकडून वाजवण्यात येणाऱ्या पुणेरी ढोलाचा आवाज स्टेडियम आणि बँकॉकमध्ये घुमत होता. प्रेक्षकांनी या उत्सवात सहभाग घेतला आणि बँकॉकमध्ये मराठी ढोल-ताशाच्या परंपरेचा कार्यक्रम ऐतिहासिक ठरला.