Latur Market : सोयाबीन दरात चढ-उतार सुरुच, खरेदी केंद्र बंद नंतर हरभऱ्याचे काय मार्केट? वाचा सविस्तर शेतीमालाचे दर
जूनच्या पहिल्या आठवड्यापासून सोयाबीनच्या दरात सुधारणा झाली होती. 6 हजार 400 आलेले दर पुन्हा 6 हजार 600 पर्यंत येऊन ठेपले होते. त्यामुळे ज्या शेतकऱ्यांनी साठवणूक केली आहे. त्यांना सोयाबीन विक्रीची संधी मिळाली होती. पण हे वाढलेले दर चार दिवसही टिकून राहिलेले नाहीत.
लातूर : एकीकडे (Kharif Sowing) पेरण्या रखडल्याने शेतकऱ्यांमध्ये चिंतेचे ढग दाटले आहेत. अशातच (Agricultural Prices) शेतीमालाच्या दरातही घसरण ही सुरुच आहे. गतवर्षी 15 जूनपर्यंत निम्म्या पेक्षा अधिकच्या क्षेत्रावर खरीप हंगामातील पेरण्या पार पडल्या होत्या. तर दुसरीकडे शेतीमालाच्या दरातही घसरण ही सुरुच आहे. गतआठवड्यात (Soybean Rate) सोयाबीनच्या दरात चांगली सुधारणा झाली होती. 6 हजार 600 रुपेय क्विंटल असा दर मिळत होता. तर आता पुन्हा दरात घट सुरु झाली आहे. केवळ सोयाबीनच नाही तर तूर आणि हरभऱ्याचीही तीच अवस्था आहे. त्यामुळे एकंदरीत शेती व्यवसयावर आता चिंतेचे ढग असून वरुणराजाने हजेरी लावून शेतकऱ्यांवरील संकट दूर करावे अशी अपेक्षा व्यक्त केली जात आहे. बाजारपेठेतील शेतीमालाच्या आवकवरही मोठा परिणाम झाला आहे.
सोयाबीनच्या दरात अशी झाली घट
जूनच्या पहिल्या आठवड्यापासून सोयाबीनच्या दरात सुधारणा झाली होती. 6 हजार 400 आलेले दर पुन्हा 6 हजार 600 पर्यंत येऊन ठेपले होते. त्यामुळे ज्या शेतकऱ्यांनी साठवणूक केली आहे. त्यांना सोयाबीन विक्रीची संधी मिळाली होती. पण हे वाढलेले दर चार दिवसही टिकून राहिलेले नाहीत. कारण पुन्हा लातूर बाजार समितीमध्ये सोयाबीन हे 6 हजार 450 वर येऊन ठेपले आहे. सोयाबीनच्या दरात असाच चढ-उतार राहिला तर मात्र, उन्हाळी सोयाबीनच्या दराबाबतही चिंता व्यक्त केली जात आहे.
हरभरा खरेदी केंद्र बंद, दरावर परिणाम
राज्यातील अनेक जिल्ह्यातील अनेक जिल्ह्यातील हरभरा खरेदीचे उद्दिष्ट पूर्ण झाल्यामुळे खरेदी केंद्र ही बंद झाली आहेत. खरेदी केंद्रावर 5 हजार 230 हा हमीभाव तर खुल्या बाजारपेठेत 4 हजार 500 असा दर हरभऱ्याला होता. मात्र, अचानक खरेदी केंद्र बंद झाल्याने त्याचा परिणाम आता खुल्या बाजारपेठेतील दरावरही झाला आहे. कारण सध्या हरभऱ्याला 4 हजार 300 असा दर मिळत आहे. तर दुसरीकडे तुरीला देखील हमीभावापेक्षा कमीच दर बाजारपेठेत आहे. तुरीला हमीभाव 6 हजार 300 रुपये असताना सध्या दर हे 6 हजार 100 एवढा आहे.
पेरण्या लांबल्याने आवकही घटली
मध्यंतरी ढगाळ वातावरण आणि तुरळक ठिकाणी झालेल्य पावसामुळे बी-बियाणे, खत खरेदीची लगबग सुरु झाली होती. शिवाय शेतीमालाची विक्री करुन शेतकरी आपली गरज भागवित होता. पण पावसाने चक्क उघडीप दिल्याने बाजारपेठेत कमालीचा शुकशुकाट निर्माण झाला आहे. शेतीमालाची आवक ठप्प झाल्याने उलाढालीवरही त्याचा परिणाम झाला आहे.
असे आहेत दर
लातूर कृषी उत्पन्न बाजार समितीमध्ये शेतीमालाची आवक घटली आहे. असे असताना शेतीमालाचे दर असे. लाल तूर 6050, पांढरी तूर 6199, हरभरा- 4300, सोयाबीन 6400, मुग मिल-5790,उडीद-6250 असे दर आहेत.
