Bike Tips: प्रवासादरम्यान बाइक मध्येच बंद पडली? अशावेळी किती अंतर कापू शकते, ते जाणून घ्या

मुंबई : बाइकने दूरचा पल्ला गाठताना पेट्रोलचं टेन्शन लागून असतं. गाडी मधेच बंद पडू नये यासाठी धाकधूक असते. पण अनेकदा नशिबाची साथ मिळत नाही आणि गाडी प्रवासादरम्यान बंद पडते. अशावेळी अडचणींचा सामना करावा लागू शकतो. जवळपास पेट्रोल पंप नसेल तर डोकेदुखी आणखी वाढते. अनेकदा चार पाच किमी अंतर बाइकला धक्का मारून गाठवं लागतं. अनेकदा दुसऱ्या बाइकस्वारांकडून मदतीचा हात मागितला जातो. पण प्रत्येक जण मदत करेल असं नाही. त्यामुळे लांबच्या प्रवास करताना काही टिप्स लक्षात ठेवणं गरजेचं आहे. प्रवासादरम्यान रस्त्यातच पेट्रोल संपलं तर टेन्शन घेऊ नका. तुम्ही या ट्रिकच्या माध्यमातून आरामात पेट्रोल पंप किंवा इच्छित ठिकाणी पोहोचू शकता. कसं ते समजून घ्या

बाइकचं रिझर्व्ह मोड फीचर

बाइकमधील हे सर्वात महत्त्वाचं फीचर आहे. यामुळे टाकीतील पेट्रोल किती संपलं आहे याचा अंदाज बांधता येतो. गाडी रिझर्व्ह मोडवर जाण्यापूर्वी बंद पडते किंवा धक्का खात पुढे जाते. गाडी रिझर्व्ह मोडवर असेल तर गाडीत पेट्रोल भरण्यासाठी तजवीज करणं गरजेचं आहे. पेट्रोल पंप जवळ असेल तर तात्काळ गाडीत पेट्रोल भरणं गरजेचं आहे. बाइकमध्ये इंडिकेटर रिझर्व्ह मोड ऑन असतो. जर इंडिकेटर ब्लिंक होत असेल तर तात्काळ पेट्रोल भरलं पाहीजे. इंडिकेटर तु्म्हाला पेट्रोल लवकर संपेल याची सूचना देत असतं. तुम्ही याकडे दुर्लक्ष केलं तर रस्त्यात अडकू शकता.

रिझर्व्ह मोडवर गाडी किती किमी अंतर कापते?

समजा, तुमच्या बाइकची रिझर्व्ह टँक कॅपिसिटी 2 लिटर आहे. गाडीचा मायलेज 50 असेल तर बाइक जवळपास 100 किमी अंतर आरामात कापू शकते. अशात बाइकने 50 ते 60 किमी अंतर कापलं तर पेट्रोल पंपावर जाऊन पेट्रोल भरून घ्या. तुमच्याकडे टीव्हीएसची बाइक असेल तर ही गाडी एक लिटर पेट्रोलवर 95 किमी अंतर कापते असा दावा कंपनी करते.

तुमच्या बाइकच्या पेट्रोल टँक कॅपेसिटीवर आणि मायलेजवर गणित बांधू शकता. बाइकच्या रिझर्व्ह मोडमध्ये किती पेट्रोल असतं आणि गाडी किती मायलेज देते? यावर तुमची अडचण दूर करण्यास मदत होते.