New Tata Harrier Petrol : लवकरच येत आहे टाटा हॅरियर पेट्रोल, अलिशान कारविषयी जाणून घ्या…

मुंबई : भारतात टाटा मोटर्सच्या (TATA Motor) एसयूव्हीचा (SUV) सध्या चांगलीच चर्चा आहे. मध्यम आकाराच्या एसयूव्ही सेगमेंटमध्ये टाटा हॅरियर (Tata Harrier) लाखो लोकांची आवडती आहे. आता चांगली बातमी अशी आहे की टाटा हॅरियर लवकरच फेसलिफ्ट लूकमध्ये येणार आहे.  पेट्रोल इंजिन तसेच अनेक नवीन वैशिष्ट्यांसह ही सुसज्ज असणार आहे. हॅरियरच्या पेट्रोल व्हेरिएंटची लोक बऱ्याच दिवसांपासून वाट पाहत आहेत. आता बातमी येत आहे की या वर्षी हॅरियर पेट्रोलला लाँच केलं जाईल. त्यामुळे कार घेणाऱ्यांसाठी ही बातमी फायदेशीर ठरू शकते. कोणतीही वस्तू घ्यायची असल्यास आपण त्याविषयी अधिक माहिती घेतो. त्याच प्रमाणे कार ही तर महत्वाची आणि मोठा वस्तू आहे. ती घेण्यापूर्वी तिच्यातील वैशिष्ट्यांविषयी जाणून घ्यायला हावं. आम्ही तुम्हाला टाटा हॅरियर सर्वकाही सांगणार आहोत.

बरेच कॉस्मेटिक बदल

टाटा हॅरियर फेसलिफ्ट पुढील वर्षाच्या सुरुवातीला लाँच केली जाऊ शकते. SUV मध्ये नवीन ग्रिल आणि हेडलॅम्प तसेच नवीन बंपरसह बरेच कॉस्मेटिक बदल दिसू शकतात. आगामी हॅरियर फेसलिफ्टमध्ये नवीन अलॉय व्हील्ससह बरेच काही पाहण्याची अपेक्षा आहे.

वैशिष्ट्ये आणि इंजिन-पॉवर

भारतातील टाटा हॅरियर फेसलिफ्ट अनेक नवीन वैशिष्ट्यांसह ऑफर केली जाऊ शकते, ज्यात प्रगत ड्रायव्हिंग असिस्टंट सिस्टम (ADAS) सोबत 360-डिग्री कॅमेरे, इलेक्ट्रॉनिक पार्किंग ब्रेक, सभोवतालची प्रकाश व्यवस्था, सुधारित इन्फोटेनमेंट सिस्टम पूर्ण आहे. यासारख्या डिजिटल इन्स्ट्रुमेंट क्लस्टरसह इतर अनेक वैशिष्ट्ये आहेत. त्याच वेळी टाटा हॅरियर फेसलिफ्टच्या संभाव्य इंजिन आणि पॉवरबद्दल बोलल्यास त्यात एक नवीन पेट्रोल इंजिन पाहिले जाऊ शकते. जे 1.5 लीटर टर्बोचार्ज केलेले पेट्रोल इंजिन असेल आणि ते 150bhp पर्यंत पॉवर जनरेट करण्यास सक्षम असेल. मीडिया रिपोर्ट्सनुसार, Tata Harrier पेट्रोल ऑटोमॅटिक गिअरबॉक्ससह दिले जाऊ शकते. टाटा हॅरियर पेट्रोल लॉन्च संदर्भात अधिक तपशील येत्या काही दिवसांत उघड केले जातील.