रॉयल एनफिल्डला 440 व्होल्टचा झटका, हिरोची नवी बाईक होणार लाँच

भारतातील सर्वात मोठी मोटारसायकल असलेली कंपनी हिरो मोटोकॉर्पने नुकतीच त्यांची नवीन बाईक भारतीय बाजारपेठेत लाँच करणार असल्याची घोषणा केली आहे. तर हिरोची ही नवी बाईक Mavrick 440 Scrambler या नावाने ओळखली जाणार आहे. नावाप्रमाणेच ही बाईक हिरोच्या सध्याच्या मावरिक 440वर आधारित असेल. मात्र दोन्ही बाइकमधील फरक दाखवण्यासाठी लूक आणि डिझाइनमध्ये काही बदल केले जाऊ शकतात. लाँचिंगनंतर हिरोच्या या बाईकची टक्कर रॉयल एनफिल्डच्या बाइक्सशी होणार असल्याचे दावा करण्यात आला आहे.

हिरोची नवीन बाईक मॅव्हरिक 440 स्क्रॅम्बलरचे डिझाइन हिरोच्या आधीचे व्हर्जन असलेली मॅव्हरिक 440 या बाईकसारखेच असल्याचं अंदाज वर्तवण्यात येत आहे. मात्र ग्राहकांना नवीन लाँच करणाऱ्या या बाईक मध्ये आधीच्या व्हर्जनपेक्षा नक्कीच वेगळी डिझाईन आणि फरक बघायला मिळणार आहे. मॅव्हरिक 440 स्क्रॅम्बलर या बाईकमध्ये गॅर्टेड टेलिस्कोपिक काटा दिला जाऊ शकतो. येत्या काळात हिरोची नवी बाईक कोणत्या फीचर्ससोबत एन्ट्री घेते हे पाहावं लागेल.

संभाव्य वैशिष्ट्ये

मीडिया रिपोर्ट्सनुसार, हिरोने आगामी मॅव्हरिक 440 स्क्रॅम्बलरला लहान फ्लायस्क्रीन आणि हँडलबास ब्रेसेस दिले आहेत. यामुळे बाईकचे हार्ड लुक ग्राहकांना बघायला मिळेल. याशिवाय या बाईकला टेन स्पोक डिझाइनसह नवीन अलॉय व्हील्स दिले जाऊ शकतात. या बरोबरच बाईकला 19 इंचाचे फ्रंट व्हील देण्यात येऊ शकते, जेणेकरून तुम्ही छोटासा हलका ऑफ-रोडचा अनुभव घेऊ शकता.

इंजिन स्पेसिफिकेशन्स

हिरोच्या नव्या मोटरसायकलमध्ये दमदार क्रॅश गार्ड मिळेल, जो गाडीच्या पेट्रोल टाकीच्या खालच्या भागापासून इंजिनच्या संपपर्यंत लावण्यात आलेला आहे. यात एक संप गार्डही असेल, पण हे गार्ड नेमकी मेटलचा आहे कि प्लास्टिकचा आहे, हे पाहावे लागेल. दोन्ही बाईकमधील फरक बघायला गेल्यास यात स्क्रॅम्बलरवरील नवीन ट्यूबलर ग्रॅब हँडल देण्यात आले आहेत.

हिरो मॅव्हरिक 440 मध्ये 440 सीसीचे ऑइल कूल्ड इंजिन देण्यात आले आहे. दरम्यान हिरो मॅव्हरिक 440 स्क्रॅम्बलर या बाईकच्या इंजिन अद्याप स्पेसिफिकेशनचा खुलासा करण्यात आलेला नाही. त्यातच हिरो कंपनी त्यांच्या या नवीन बाइकमध्ये गिअर बदलू शकतात.

किंमत?

मॅव्हरिक 440 ची एक्स शोरूम किंमत 1.99 लाख ते 2.24 लाख रुपयांदरम्यान आहे. त्यामुळे स्क्रॅम्बलर व्हर्जनची किंमतही अशीच असण्याची शक्यता आहे. हे देखील असू शकते की मॅव्हरिक 440 च्या तुलनेत स्क्रॅम्बलर थोडा महाग आहे. दरम्यान कंपनीने अद्याप नवीन स्क्रॅम्बलर बाईकची किंमत सांगितलेली नाहीये. भारतात ही बाईक पुढील वर्षी लाँच होणाऱ्या रॉयल एनफिल्ड स्क्रॅम ४११ आणि रॉयल एनफिल्ड ४४० शी स्पर्धा करेल.