ग्रँड विटाराला टक्कर देणार होंडाची ही नवीन एसयुव्ही, सेगमेंटमध्ये ठरणार का गेमचेंजर?

मुंबई : वाहन क्षेत्रातील अग्रणी कंपनी होंडा 6 जून रोजी नवीन SUV सादर करणार आहे. ती होंडा इलेव्हेट (Honda Elevate) या नावाने बाजारात आणली जाईल. ही कार सर्वप्रथम जागतिक बाजारपेठेत लॉन्च केली जाईल. या वर्षाच्या अखेरीस ते भारतीय बाजारपेठेत उपलब्ध होऊ शकते. होंडाच्या या  नवीन SUV मध्ये आकर्षक डिझाईन, मोठी केबिन आणि अनेक आकर्षक फीचर्स दिले जाऊ शकतात. भारतात लॉन्च झाल्यानंतर, Elevate मारुतीच्या Grand Vitara, Hyundai Creta आणि Volkswagen Tiguan शी स्पर्धा करेल. चला जाणून घेऊया या नवीन होंडा कारबद्दल..

होंडा एलिव्हेटचे डिझाइन

Honda Elevate ला LED हेडलाइट्स, ब्लॅक आउट वाइड ग्रिल, ORVM, फ्लेर्ड व्हील आर्च, चंकी स्टाइल क्लॅडिंग आणि मल्टी-स्पोक व्हील मिळतील. याशिवाय, कार शार्क फिन अँटेना आणि मागील बाजूस आकर्षक टेललॅम्पसह येईल. या SUV ची लांबी 4.3 मीटर असू शकते.

होंडा एलिव्हेटची वैशिष्ट्ये

Elevate SUV च्या केबिनमध्ये 10.2-इंचाचा टच पॅनल इन्फोटेनमेंट प्रदान केला जाईल. या कारमध्ये क्रूझ कंट्रोल, कीलेस एंट्री, ऑटोमॅटिक क्लायमेट कंट्रोल, मल्टीफंक्शनल स्टिअरिंग व्हील, रिअर एसी व्हेंट्स, डिजिटल इन्स्ट्रुमेंट क्लस्टर मिळेल. याशिवाय ही कार अनेक नवीनतम कनेक्टिव्हिटी फीचर्ससह येईल.

सुरक्षेसाठी, यात एकाधिक एअरबॅग्ज, अँटी-लॉक ब्रेकिंग सिस्टम, EBD आणि मागील कॅमेरा मिळतील.

होंडा एलिव्हेट इंजिन

नवीन एसयूव्ही फक्त पेट्रोल इंजिनसह येईल. यात 1.5 लीटर इंजिन मिळेल, जे 119bhp पॉवर आणि 145Nm टॉर्क जनरेट करेल. हेच इंजिन होंडा सिटीमध्येही आढळते. यामध्ये 6-स्पीड मॅन्युअल आणि CVT गिअरबॉक्स दिला जाऊ शकतो.

Honda Elevate ची किंमत काय असेल?

Honda Elevate 12 लाख रुपयांच्या सुरुवातीच्या किमतीत आणण्याची अपेक्षा आहे. मात्र, त्याची खरी किंमत लॉन्च झाल्यानंतरच समोर येईल. ही SUV ऑगस्ट 2023 च्या वर्षाअखेर भारतात लॉन्च केली जाऊ शकते.