Kia Seltos : किआ सेल्टोसनं कमी कालावधीत 3 लाख विक्रीचा टप्पा केला पार, सेल्टोसच्या 1 लाखांवर युनिट्सची निर्यात
किआ इंडिया 22 ऑगस्ट 22 रोजी भारतात तिसरा वर्धापन दिन साजरा करण्यासाठी सज्ज आहे. सेल्टोस भारतात लाँच झाल्यापासून तीन वर्षे पूर्ण होत आहेत. किया सेल्टोसने देशात 3 लाख विक्रीचा टप्पा ओलांडलाय.
मुंबई : देशातील सर्वात वेगाने वाढणाऱ्या कार (Car) निर्मात्यांपैकी एक असलेल्या किया इंडियाने आज जाहीर केले की त्यांच्या महत्वपूर्ण मध्यम आकाराच्या एसयूव्ही (SUV), किया सेल्टोस (Kia Seltos) ने देशात 3 लाख विक्रीचा टप्पा ओलांडला आहे. कंपनीनं पुढे सांगितले की, सेल्टोसने 3 वर्षांपेक्षा कमी कालावधीत हे यश संपादन केले आहे, ज्यामुळे हा टप्पा गाठणारी सर्वात वेगवान एसयूव्ही बनली आहे. सेल्टोस हे सेगमेंटसाठी खरे गेम चेंजर आणि कंपनीसाठी सर्वात लोकप्रिय उत्पादन आहे. सेल्टोस (Seltos) ही या विभागातील एकमेव कार आहे जी सर्व प्रकारांमध्ये मानक म्हणून सहा एअरबॅगसह येते. किआ इंडिया 22 ऑगस्ट 22 रोजी भारतात तिसरा वर्धापन दिन साजरा करण्यासाठी सज्ज आहे, सेल्टोस भारतात लॉन्च झाल्यापासून तीन वर्षे पूर्ण होत आहेत.
किआ सेल्टोस हे भारतातील सर्वात लोकप्रिय किआ उत्पादन आहे, ज्याची देशातील कंपनीच्या एकूण विक्रीपैकी जवळपास 60% विक्री आहे. मॉडेल त्याच्या सुरूवाती नंतर लगेचच नवीन विचारांच्या ग्राहकांशी जोडले गेले त्याचे कारण म्हणजे त्याचे नवीन प्रकारचे डिझाइन, श्रेणीतील अग्रेसर कनेक्टिव्हिटी वैशिष्ट्ये आणि कारमधील अपवादात्मक अनुभव. भारतीय देशांतर्गत बाजारपेठेतील यशस्वी प्रवासासोबतच, सेल्टोसने परदेशातील बाजारपेठेतही भरपूर मागणी दर्शविली आहे, किआ इंडियाच्या अनंतपूर प्लांटमधून आजपर्यंत 103,033 सेल्टोची 91 पेक्षा जास्त देशांमध्ये निर्यात झाली आहे.
किआ इंडियाचे मुख्य विक्री अधिकारी म्युंग-सिक शॉन म्हणाले, “भारतातील आमचे पहिले उत्पादन असल्याने सेल्टोसने किआची यशोगाथा येथे मांडण्यात महत्त्वाची भूमिका बजावली आहे. सेल्टोस सह, किआ इंडिया स्वतःला खऱ्या अर्थाने निराळी ठरली आहे आणि देशात विक्री सुरू झाल्यापासून अवघ्या दोन महिन्यांत देशातील टॉप 5 कार उत्पादकांमध्ये आपले स्थान मजबूत करण्यात सक्षम झाली. सेल्टोस सोबत, आम्हाला भारतीय ग्राहकांच्या गरजा पूर्ण करणारे जागतिक दर्जाचे उत्पादन ऑफर करायचे होते आणि आम्हाला मिळालेला उत्तम प्रतिसाद आम्ही सुरुवातीला जे ठरवले होते ते आम्ही साध्य केले याची साक्ष आहे. आज आम्हाला हे पाहून आनंद होत आहे की, सेल्टोसने केवळ तीच्या विभागातच नव्हे तर एकूणच भारतीय वाहन उद्योगावर आपला ठसा उमटवला आहे; नवीन युगातील भारतीय ग्राहकांद्वारे सर्वाधिक मागणी असलेल्या कारपैकी ती आहे.”
ते पुढे म्हणाले, “अगदी अलीकडेच, आम्ही सेल्टोस वर सहा एअरबॅग्ज मानक म्हणून सादर केल्या आहेत, जी पुन्हा एकदा सेगमेंटची पहिली ऑफर होती. आमच्‍या उत्‍पादनांमध्‍ये नियमित अपडेट्स आणि सक्षम ग्राहक केंद्रित दृष्टीकोन यामुळे आमच्‍या वाढीचा वेग कायम ठेवण्‍याबद्दल आम्ही खूप आशावादी आहोत आणि आगामी काळात अधिक मजबूत ब्रँड म्हणून आम्ही उदयास येऊ.”
किआ इंडियाने अलीकडेच देशातील 5 लाख विक्रीचा टप्पा ओलांडला असून, एकूण विक्रीमध्ये सेल्टोसचे योगदान जवळपास 60% आहे. सेल्टोसच्या 58 टक्के विक्री त्याच्या अग्रेसर प्रकारांमधून येतात, तर वाहनाचे स्वयंचलित पर्याय सुमारे 25% योगदान देतात. 2022 मध्ये प्रत्येक 10 पैकी 1 सेल्टोस खरेदीदारांनी त्याची निवड केल्यामुळे असून क्रांतिकारी iMT तंत्रज्ञान खरेदीदारांमध्ये झटपट लोकप्रिय ठरले. तसेच, डिझेल वाहनावर iMT देणारी किआ ही पहिली उत्पादक होती. सेल्टोस खरेदी करताना ग्राहकांसाठी सर्वात लोकप्रिय प्रकार म्हणजे HTX पेट्रोल आणि सर्वात लोकप्रिय रंग पांढरा आहे. सेल्टोसच्या पेट्रोल आणि डिझेल प्रकाराची मागणी संतुलित आहे, सुमारे 46% ग्राहक सेल्टोसच्या डिझेल प्रकारांना प्राधान्य देतात.
(हेडलाईन व्यतिरीक्त सदर वृत्तातील मजकूर tv9marathi ने संपादीत केलेला नसून उपरोक्त माहिती ही सिंडीकेटेड फीडमधून प्रकाशित करण्यात आली आहे.)
