Mahindra XUV700 Ebony भारतात लॉन्च, फीचर्स, किंमत जाणून घ्या
महिंद्रा अँड महिंद्राने आपल्या खास मिडसाइज XUV700 ची Ebony लिमिटेड एडिशन लाँच केली आहे. या SUV ची सुरुवातीची एक्स-शोरूम किंमत 19.64 लाख रुपये आहे. या SUV मध्ये ब्लॅक आणि सिल्व्हरचे कॉम्बिनेशन देण्यात आले आहे, ज्यामुळे ती आकर्षक बनते. Mahindra XUV700 Ebony या SUV चे फीचर्स कोणते आहेत, तसेच या SUV ची किंमत किती आहे, हे जाणून घ्या.
एकापेक्षा एक उत्पादनांसह भारतीय SUV बाजारपेठेत धुमाकूळ घालणाऱ्या महिंद्रा अँड महिंद्रा या कंपनीने आपल्या लोकप्रिय XUV700 ची नवी लिमिटेड एडिशन Mahindra XUV700 Ebony लाँच केली आहे. या एडिशनमध्ये XUV700 च्या स्टायलिश डिझाइनमध्ये आणखी वाढ करण्यात आली आहे.
याची सुरुवातीची एक्स किंमत 19.64 लाख आहे. ब्लॅक आणि सिल्व्हरच्या कॉम्बिनेशनमुळे त्याला एक अनोखा लूक मिळतो आणि तो ‘आउटशाईन द डार्क’ या थीमवर आधारित आहे. आजकाल कंपन्या ज्या प्रकारे आपल्या कारमध्ये रंगाचे प्रयोग करत आहेत, त्यामुळे UV700 Ebony ची Ebony एडिशन लोकांना आवडेल.
Mahindra XUV700 Ebony एडिशन व्हेरियंट आणि किंमत
- XUV700 Petrol MT – 19.64 लाख रुपये
- XUV700 Petrol AT – 21.14 लाख रुपये
- XUV700 Diesel MT – 20.14 लाख रुपये
- XUV700 Diesel AT – 21.79 लाख रुपये
किंमत किती?
- 20.14 लाख रुपये XUV700 डिझेल AT
- 21.79 लाख AX7L (7-सीटर फ्रंट व्हील ड्राइव्ह)
- XUV700 पेट्रोल MT – उपलब्ध नाही
- XUV700 पेट्रोल AT – 23.34 लाख रुपये
- XUV700 डीजल MT- 22.39 लाख रुपये
- XUV700 डीजल AT- 24.14 लाख रुपये
स्टायलिश एक्सटीरियर
महिंद्रा XUV700 एबोनी लिमिटेड एडिशन आपल्या सौंदर्य आणि स्टाईलने सर्वांना प्रभावित करण्यासाठी आली आहे. एक्सटीरियरबद्दल बोलायचे झाले तर ही एसयूव्ही बाहेरून खूपच स्टायलिश दिसत आहे. स्टेल्थ ब्लॅक कलर आणि ब्रश केलेल्या सिल्व्हर स्किड प्लेट्स त्याला दमदार लुक देतात. ब्लॅक-ऑन-ब्लॅक ग्रिल इन्सर्ट आणि ब्लॅक-आऊट आउटसाइड रियर व्ह्यू मिरर यामुळे त्याचा पुढचा भाग अधिक चकाचक होतो. 18 इंचाची ब्लॅक अलॉय व्हील्स त्याच्या लुकमध्ये भर घालतात. एकंदरीत, ब्लॅक आणि सिल्व्हरचे हे कॉम्बिनेशन XUV700 च्या डिझाइनला अधिक मजबूत करते.
सुंदर इंटिरिअर
इंटिरिअरबद्दल बोलायचे झाले तर महिंद्रा XUV700 एबोनी एडिशन आतून ही तितकीच सुंदर आहे. ब्लॅक लेदरेट अपहोल्स्ट्री, ब्लॅक-आऊट ट्रिम्स आणि सेंटर कंसोल तसेच डोर पॅनेलवरील सिल्व्हर एक्सेंट्स यामुळे याला प्रीमियम लुक मिळतो. लाइट ग्रे रूफ लाइनर केबिनला आणखी आकर्षक बनवते. डार्क-क्रोम एअर व्हेंट्स त्याला आणखीनच आलिशान लुक देतात. एकंदरीत याच्या इंटिरियरमध्ये मॉडर्न लक्झरी आणि लालित्य यांचा उत्तम मिलाफ दिसून येतो. वैशिष्ट्यांच्या बाबतीत, XUV700 एबोनी एडिशन टॉप-नॉच आहे आणि आजकाल प्रीमियम कारमध्ये आवश्यक असलेले सर्व फीचर्स आहेत.
