SUV चा ट्रेंड असतानाही Maruti च्या छोट्या कारनी मारली बाजी, इतका वाढला सेल

भारत जपानला मागे टाकत ऑटोमोबाईल इंडस्ट्रीत जगात तिसऱ्या क्रमांकावर पोहचले आहे. एकीकडे भारतात रस्त्यांचे जाळे वाढत असताना कार घेणाऱ्यांची संख्याही वेगाने वाढत आहे. आधी हॅचबॅक कारना पसंती होती आणि नंतर SUV घेण्याची फॅशन आली. परंतू तरीही मारुती सुझुकीच्या छोट्या कारचा दबदबा कायम आहे. नोव्हेंबर महिन्यात मारुती सुझुकीने डिझायर ( Dzire ) कारचा नवा अवतार लाँच केला होता. यानंतर फाईव्ह स्टार रेटिंगसह या गाडीने बाजारात चांगली जागा तयार केली आहे. डिझायर मारुती सुझुकीला लकी ठरली असून डिसेंबरमध्ये कंपनीचे घरगुती बाजारपेठ, निर्यात आणि एकूण विक्रीत वाढ झाली आहे.

मारुतीच्या या कारना मागणी

छोट्या कारमध्ये मारुती सुझुकीच्या मारुती सुझुकीच्या अल्टो  ( Alto ) आणि एस प्रेसो ( S Presso ) या कारना मोठी मागणी पाहायला मिळत आहे. कॉम्पॅक्ट सेगमेंटमध्ये Celerio, Baleno, Swift, Dzire, WagonR आणि Ignis या कार ग्राहकांना जास्त पसंत येत आहेत. साल २०२४ मध्ये मिनी आणि कॉम्पॅक्ट सेगमेंटमध्ये कंपनीने ६२,३२४ युनिट्सची विक्री केली आहे.साल २०२३ मध्ये या सेगमेंटमध्ये कंपनीने ४८,२९८ कारची विक्री केली होती.

मध्यम आकाराच्या कारची विक्री –

मध्यम आकाराच्या सेगमेंटमध्ये Ciaz ची बाजारात खूप मागणी आहे. पॅसेंजर कारचा विचार करता Fronx, Breeza, Grand Vitara, XL6, Jimny, Ertiga आणि Invicto सारख्या युटिलिटी व्हेईकलने देखील मार्केटमध्ये जबरदस्त पाय रोवला आहे. युटिलिटी व्हेईकल सेगमेंटमध्ये गेल्या वर्षी कंपनीने ५५,६५१ युनिट्सची विक्री केली आहे. तर २०२३ मध्ये याच सेगमेंटमध्ये ४५,९५७ युनिट्सची विक्री झाली होती.

लाईट कमर्शियल वाहनात मारुती सुझुकीच्या सुपर कॅरी वाहनाने मार्केटमध्ये धमाल केली आहे. पॅसेंजर, लाईट कमर्शियल व्हेईकल आणि युटिलिटी व्हेईकलद्वारे मारुती सुझुकीने भारतीय बाजारात आपली पकड मजबूत करण्याच्या प्रयत्नात आहे.

किती वाढली विक्री ?

मारुती सुझुकीने घरगुती बाजारात साल २०२३ मध्ये एकूण १,०६,४९२ युनिट्सची विक्री केली होती. तर साल २०२४ मध्ये कंपनीच्या विक्रीत वाढ झालेली पाहायला मिळत आहे. साल २०२४ मध्ये मारुती सुझुकीने घरगुती बाजार पेठेत एकूण १,३२,५२३ युनिट्सची विक्री केली आहे.