कार ट्रांसफर करताना घ्या या गोष्टीची काळजी, कागदपत्रांच्या बाबतीत करू नका गोंधळ

मुंबई : सेकंड हँड कार घेणे किंवा विकणे हे खूप सोपे काम आहे. मात्र यानंतर होणारे काम रेंगाळल्यास आरटीओच्या अनेक फेऱ्या माराव्या लागतात. हे काम कारची नोंदणी हस्तांतरित (Car Transfer) करण्यासाठी केले जाते. सध्या ही कामे ऑनलाइन केले जाऊ शकतात, परंतु या संपूर्ण प्रक्रियेस थोडा वेळ लागतो, ज्यामुळे अजूनही मोठ्या संख्येने लोकं आरसी हस्तांतरण करण्यासाठी ऑफलाइन पद्धत वापरतात. यासाठी फॉर्म 29 भरून गाडीच्या आरसीसह सबमिट करावा लागेल. पण यासोबतच आणखी एक महत्त्वाचा कागद आहे जो आरसीसोबत देणे अनिवार्य आहे, त्याशिवाय गाडी हस्तांतरित करता येत नाही. ते म्हणजे कारचे इंशोरंस . वास्तविक, कारचा विमा उतरवला असताना कोणत्याही कारचे नोंदणी हस्तांतरण त्याच स्थितीत केले जाऊ शकते. हा विमा थर्ड पार्टी किंवा कॉम्प्रेहेन्सिव देखील असू शकतो. हस्तांतरणासाठी गाडीची सर्व कागदपत्रे आरटीओला देण्याबरोबरच विमा पॉलिसीची प्रतही सादर करणे आवश्यक आहे.

विमा कसा हस्तांतरित करायचा

हस्तांतरित केलेल्या कारची नोंदणी मिळण्याबरोबरच विमा हस्तांतरित करणे देखील आवश्यक आहे. जर तुम्ही हे केले नाही आणि कारचा अपघात झाला तर तुम्ही दावा करू शकत नाही. कार विमा सहजपणे ऑनलाइन हस्तांतरित केला जाऊ शकतो. यासह, ते ऑफलाइन देखील हस्तांतरित केले जाऊ शकते. यासाठी तुम्हाला आरटीओकडून मिळालेली नोंदणी हस्तांतरण पावती आणि हस्तांतरित आरसीची प्रत विमा कंपनीला द्यावी लागेल.
यासोबतच विमा कंपनी हस्तांतरण शुल्क आकारते. ही फी 200 ते 500 रुपयांपर्यंत असू शकते. हे सर्व जमा केल्यानंतर, विमा पॉलिसी 72 तासांच्या आत हस्तांतरित केली जाते. त्याच्या सॉफ्ट कॉपीसह, कंपनीच्या वतीने आपल्याला नोंदणीकृत पत्त्यावर हार्ड कॉपी देखील पाठविली जाते.

नोंदणी हस्तांतरणासाठी कोणती कागदपत्रे आवश्यक आहेत?

• फॉर्म 29
• फॉर्म 30
• कार आरसी
• कार विमा
• पीयूसी प्रमाणपत्र
• वाहनाच्या चेसिस नंबरची प्रिंट आउट (पेन्सिलने)
• पिन कार्ड (विक्रेता आणि खरेदीदार दोघांचे, पॅन कार्ड उपलब्ध नसल्यास फॉर्म 60 भरा)
• कार खरेदीदाराचे आधार कार्ड