टाटा टियागो एनआरजी 6.57 लाख सुरुवातीच्या किंमतीत लाँच, सुरक्षेच्या बाबतीतही आहे पहिल्या क्रमांकावर
कारच्या आतील बाजूस अनेक गोष्टी जोडल्या गेल्या आहेत, ज्यात रिअर-व्ह्यू कॅमेरा, इंजिन स्टार्ट-स्टॉप बटण आणि सात इंचाची इन्फोटेनमेंट सिस्टीम आहे जी Apple CarPlay आणि Android Auto सपोर्टसह येते.
मुंबई : दिग्गज वाहन निर्मता कंपनी TATA ने आज अधिकृतरित्या आपली नवीन कार Tata Tiago NRG लाँच केली आहे. या कारच्या मॅन्युअल ट्रान्समिशन व्हेरिएंटची किंमत 6.75 लाख रुपये आणि AMT आवृत्तीची किंमत 7.09 लाख रुपये (एक्स-शोरूम, दिल्ली) आहे. ही कार टियागो हॅचबॅकवर आधारीत आहे पण तिचा लूक खूप स्पोर्टी आहे. (Tata Tiago NRG launches at Rs 6.57 lakh starting price)
टाटा मोटर्सला आशा आहे की या कारचे एक्सटीरियर आणि केबिन केवळ ग्राहकांना आकर्षितच करणार नाही तर खरेदीदारांनाही आणेल. कंपनीचे मार्केटिंग आणि कस्टमर केअरचे उपाध्यक्ष रंजन अंबा यांनी सांगितले की, केवळ बाह्यच नाही तर या कारचे इंटीरियरही अनेक वैशिष्ट्यांनी युक्त आहे आणि स्टायलिश दिसते. याबरोबरच, कच्च्या रस्त्यावर चालण्याची क्षमता देखील आहे.
Tata Tiago NRG चे एक्सटीरियर
ही कार ग्रीन एक्सटीरियर ह्यूसह काळ्या रंगाच्या छतासह येईल. त्याला चारही बाजूंनी बॉडी क्लॅडींग मिळते आणि यासह रुफ रेल्स (फक्त सौंदर्यासाठी) आणि फॉक्स सिल्व्हर स्किड प्लेट्स आहेत. याशिवाय, त्याचा OVRM काळ्या रंगाचा आहे. टाटा टियागो एनआरजीचे ग्राउंड क्लिअरन्स 181 मिमी आहे आणि त्याला 15-इंच अलॉय व्हील्स लावण्यात आली आहेत. यासह, तुटलेल्या रस्त्यांवर अधिक चांगले चालविण्यासाठी ते री-ट्यून्ड डुअल पाथ सस्पेंशन मिळते. कंपनीने ही कार चार रंगांमध्ये सादर केली आहे ज्यात फॉरेस्टा ग्रीन, स्नो व्हाईट, फायर रेड आणि क्लाउडी ग्रे यांचा समावेश आहे.
Tata Tiago NRG चे केबिन
कारच्या आतील बाजूस अनेक गोष्टी जोडल्या गेल्या आहेत, ज्यात रिअर-व्ह्यू कॅमेरा, इंजिन स्टार्ट-स्टॉप बटण आणि सात इंचाची इन्फोटेनमेंट सिस्टीम आहे जी Apple CarPlay आणि Android Auto सपोर्टसह येते. चारकोल ब्लॅक थीममुळे केबिन खूप सुंदर दिसते. यासह, हरमन कार्डनसह स्पीकर्स बसवण्यात आले असून चालकाचे डिस्प्ले डिजिटल आहे.
Tata Tiago NRG चे इंजिन
Tata Tiago NRG मध्ये 1.2 लिटर रेवोट्रॉन पेट्रोल इंजिनद्वारे समर्थित आहे जे 85 बीएचपीची शक्ती निर्माण करते आणि मॅन्युअल आणि एएमटी ट्रान्समिशनशी जुळते. त्याच्या सेफ्टी फीचर्सबद्दल बोलायचे झाल्यास, ड्युअल-फ्रंट एअरबॅग्स, रिव्हर्स पार्किंग सेन्सर आणि कॅमेरा, फॉलो-मी दिवे इत्यादी फीचर्स यात देण्यात आले आहेत. ग्लोबल एनसीएपी चाचणीमध्ये कारला आधीच 4-स्टार रेटिंग मिळाली आहे. टियागो एप्रिल 2016 मध्ये पहिल्यांदा लॉन्च करण्यात आली होती आणि आतापर्यंत ती 3 लाख लोकांनी खरेदी केली आहे. टाटा टियागो एनआरजी लाँच झाल्यावर त्याची विक्री आणखी वाढेल असा कंपनीचा विश्वास आहे. (Tata Tiago NRG launches at Rs 6.57 lakh starting price)
#indvspak: भारत-पाकिस्तान 24 ऑक्टोबरला आमनेसामने, टी-20 सामन्यामुळे सोशल मीडियावर धुमाकूळhttps://t.co/1nrcvllScC#T20worldcup | #T20WC2021
— TV9 Marathi (@TV9Marathi) August 4, 2021
इतर बातम्या
