Volvo India ची मोठी घोषणा, आता डिझेल कार बनवणार नाही

मुंबई : प्रदूषण आणि पेट्रोल, डिझेल यांच्या वाढत्या किंमतींमुळे लोकांचा इलेक्ट्रिक वाहनांकडे कल वाढत चालला आहे. देशातील काही शहरांमध्ये पेट्रोलच्या किंमती शंभरी पार गेल्या आहेत, तर काही शहरांमध्ये पेट्रोलच्या किंमती 90 रुपयांच्या पुढे आहेत. त्यामुळे 2021 मध्ये अनेक दिग्गज वाहन कंपन्या इलेक्ट्रिक व्हीकल लाँच करण्याच्या तयारीत आहेत. पूर्वी इलेक्ट्रिक व्हीकल्सच्या बजेटमुळे लोक चिंतेत असायचे, परंतु आता तसे चित्र राहिले नाही. वाहन कंपन्या कमीत कमी बजेटमध्ये जास्तीत जास्त फिचर्स देणाऱ्या इलेक्ट्रिक कार्स, बाईक आणि स्कूटर लाँच करत आहेत. जगप्रसिद्ध इलेक्ट्रिक कार निर्माती कंपनी टेस्लानेदेखील आता भारतात एंट्री केली आहे. त्यापाठोपाठ आता अनेक मोठ्या कंपन्या भारतीय मार्केटमध्ये दमदार कार आणि बाईक लाँच करण्याच्या तयारीत आहेत. त्यात आता स्वीडिश कार निर्माती कंपनी व्हॉल्वोची (Volvo) भर पडली आहे. (Volvo India will not make diesel vehicles, focus on electric vehicles only)

व्हॉल्वो इंडिया कंपनी आगामी काळात पूर्णपणे इलेक्ट्रिक कार्सवर फोकस करणार असल्याचे सांगण्यात येत आहे. व्हॉल्वो कंपनी यावर्षीच्या अखेपर्यंत डिझेल कार्सचं उत्पादन बंद करुन केवळ इलेक्ट्रिक कार्सवर लक्ष केंद्रित करणार आहे. दरवर्षी किमान एक इलेक्ट्रिक कार लाँच करायची, अशी योजना कंपनीने आखली आहे. व्हॉल्वोच्या व्यवस्थापकीय संचालक ज्योती मल्होत्रा म्हणाल्या की, कंपनी त्यांच्या इलेक्ट्रिक कार्सचा पोर्टफोलियो मजबूत करण्याचा प्रयत्न करत आहे. त्यासाठीच आम्ही डिझेल इंजिनवरुन इलेक्ट्रिक इंजिनवर स्विच होतोय. अशीच योजना व्हॉल्वोची पॅरेंट कंपनी असलेल्या Geely नेदेखील बनवली आहे.

इलेक्ट्रिक वाहनों पर कम लगता GST

व्हॉल्वोने (Volvo) गेल्या आठवड्यात त्यांची इलेक्ट्रिक कार सी 40 रिचार्जचे (C40 Recharge) अनावरण केले आहे. यापूर्वी कंपनीने व्होल्वो एक्ससी 40 रिचार्ज (Volvo XC40 Recharge) ही इलेक्ट्रिक कार बाजारात सादर केली आहे. नवी कार XC40 रिचार्जच्या मॉड्यूलर प्लॅटफॉर्मवर तयार केली जाऊ आहे. या कारचे बुकिंग जून 2021 पर्यंत सुरू होईल. या कारची किंमत सुमारे 45 लाख रुपये असेल, असा अंदाज व्यक्त केला जात आहे. ज्योती मल्होत्रा ​​म्हणाल्या की, कंपनी स्थानिक सीकेडीवर (completely knocked down) लक्ष केंद्रित करत आहे, कारण इलेक्ट्रिक कारवर केवळ 5% जीएसटी आकारला जातो, तर पेट्रोल / डिझेल कारवर 45-50% जीएसटी आकारला जातो.

मल्होत्रा म्हणाल्या की, “आम्ही (स्थानिक ईव्ही) चे मूल्यांकन करीत आहोत, त्याचा विचार करुन आमचा व्यवसाय विकसित करीत आहोत.” ज्योती मल्होत्रा ​​म्हणाली की व्हॉल्वो इंडियाला आपल्या व्यवसायात चांगली वाढ अपेक्षित आहे आणि 2020 मध्ये विकल्या गेलेल्या 1,400 युनिट्सच्या तुलनेत यंदा वाहनांची विक्री वाढत आहे. गेल्या वर्षी व्यापार करणं आव्हानात्मक होतं. अर्थव्यवस्था कोलमडली होती. तथापि आता अनेक गोष्टी नॉर्मल होऊ लागल्या आहेत. तसेच आम्ही पुढील काळातील व्यवसायाबाबत सकारात्मक आहोत.

वर्षअखेरपर्यंत C40 Recharge SUV लाँच होणार

Volvo ने अलीकडेच जाहीर केले आहे की 2030 पर्यंत कंपनी पूर्णपणे इलेक्ट्रिक कार्स तयार करेल. कंपनीने म्हटलं आहे की, C40 Recharge या कारमध्ये एसयूव्हीची सर्व वैशिष्ट्ये दिली जातील. यात ग्राहकांना लोअर आणि स्लीकर डिझाईन मिळेल. कंपनीने या नवीन इलेक्ट्रिक कारची रूफ लाईन अगदी खाली ठेवली आहे. त्याच वेळी, सर्वात मोठा फरक म्हणजे या कारच्या उंचीत केलेला बदल. या कारची उंची सी 40 रिचार्ज या कारच्या तुलनेत 3 इंचांनी कमी आहे. ही कार या वर्षाच्या अखेपर्यंत लाँच केली जाऊ शकते.

C40 Recharge कारचं इंटिरियर आणि फीचर्स

Volvo C 40 रिचार्जच्या इंटिरियरबाबत बोलायचे झाल्यास, कंपनीची ही पहिली कार आहे ज्यामध्ये लेदरचा वापर केला जाणार नाही, याचाच अर्थ असा आहे की या कारमध्ये लेदर सीट दिली जाणार नाही. या कारमध्ये अँड्रॉइड ऑपरेटिंग सिस्टमवर आधारित गुगलने विकसित केलेली इन्फोटेनमेंट सिस्टम दिली जाणार आहे. याव्यतिरिक्त, व्होल्वो सी 40 रिचार्ज ऑपरेटिंग सिस्टिम दूरस्थपणे रिमोटने अपडेट करता येईल.

40 मिनिटात 80 टक्के चार्ज होणार

या कारच्या बॅटरी आणि उर्जेबद्दल सांगायचे तर व्होल्वो सी 40 चा पॉवरट्रेन देखील एक्ससी 40 रिचार्ज प्रमाणेच आहे. या कारमध्ये प्रत्येक एक्सेलवर इलेक्ट्रिक मोटरसह ऑल-व्हील ड्राईव्ह स्कीम आहे. फास्ट चार्जिंग सिस्टमसह, यात 78 किलोवॅट क्षमतेचा बॅटरी पॅक दिला जाईल, जो 408 hp पॉवर आणि 660 Nm टॉर्क जनरेट करतो. त्याचबरोबर यात 150 किलोवॅट डीसी फास्ट चार्जिंगची सुविधा देखील उपलब्ध आहे, ज्याच्या मदतीने आपण अवघ्या 40 मिनिटात कारची बॅटरी 80 टक्के चार्ज करू शकता.

5 सेकंदात 100 किमी वेग

व्हॉल्वोच्या म्हणण्यानुसार, ही कार एकदा चार्ज केल्यानंतर 420 किमीपर्यंतची रेंज देते. त्याचबरोबर, ही कार अवघ्या पाच सेकंदात शून्यापासून ताशी 100 किलोमीटरपर्यंतचा वेग पकडू शकते आणि या कारचं टॉप स्पीड ताशी 180 किलोमीटर इतकं आहे.

इलेक्ट्रिक वाहनांसाठी ‘या’ शहरात 100 नवे चार्जिंग स्टेशन उभारणार, राज्य सरकारचा पुढाकार#ElectricVehicles #ElectricWorld #ElectricCar https://t.co/gGI6HXA3en

— TV9 Marathi (@TV9Marathi) March 8, 2021

इतर बातम्या

Volkswagen च्या ‘या’ शानदार SUV चं भारतात कमबॅक, जाणून घ्या किंमत आणि फीचर्स

Nissan Magnite च्या किंमतीत पुन्हा एकदा वाढ

1.6 लाखात खरेदी करा Alto 800, जाणून घ्या काय आहे ऑफर?

(Volvo India will not make diesel vehicles, focus on electric vehicles only)