बंपर ऑफर ! घरगुती गॅस सिलेंडरवर 800 रुपयांपर्यंत फायदा, फक्त अशा प्रकारे करा बुक

या शानदार ऑफरमध्ये आपणास 800 रुपये मिळू शकतात. यामुळे तुम्हाला 819 रुपयांना मिळणारा सिलेंडर 19 रुपयांत मिळू शकेल. (Benefit up to Rs 800 on a gas cylinder booking, just book it this way)

सिलिंडर खरेदी करा फक्त 9 रुपयात

वैजंता गोगावले | Edited By: | Updated on: Apr 25, 2021 | 10:30 PM

नवी दिल्ली : अलीकडे गॅस सिलिंडरच्या किंमतींमध्ये बरीच वाढ झाली होती आणि आता लोक किंमती खाली येण्याची वाट पाहत आहेत. परंतु, जोपर्यंत किंमत कमी होत नाही तोपर्यंत आपण काही ऑफरच्या माध्यमातून सूट मिळवून स्वस्तात सिलेंडर मिळवू शकता. गॅस बुकिंगसाठी आता आणखी एक ऑफर आली आहे, ज्याद्वारे तुम्हाला बुकिंगवर केवळ 10-20 रुपयेच नव्हे तर चक्क 800 रुपये फायदा मिळू शकेल. या शानदार ऑफरमध्ये आपणास 800 रुपये मिळू शकतात. यामुळे तुम्हाला 819 रुपयांना मिळणारा सिलेंडर 19 रुपयांत मिळू शकेल. (Benefit up to Rs 800 on a gas cylinder booking, just book it this way)

ऑफर कोठे मिळेल?

आपण पेटीएमवर या ऑफरचा लाभ घेऊ शकता. जर आपण पेटीएम वापरत असाल आणि पेटीएमद्वारे गॅस बुक केला तर आपल्याला त्याचा लाभ मिळू शकेल. पण, खास गोष्ट म्हणजे तुम्ही जर पहिल्यांदा पेटीएमकडून गॅस बुकिंग करत असाल तरच तुम्हाला या ऑफरचा फायदा मिळू शकेल. अशा वेळी जर तुम्ही पेटीएमवरुन कधीच सिलिंडरद्वारे बुकिंग केला नसेल तर तुम्ही पेटीएमवर बुक करू शकता आणि 800 रुपयांपर्यंतचा फायदा घेऊ शकता. इंडियन ऑईल कॉर्पोरेशननेही याबाबतची माहिती दिली असून पेटीएमच्या माध्यमातून तुम्हाला 800 रुपयांपर्यंतचे कॅशबॅक मिळू शकते असे सांगितले आहे. इंडियन ऑईल कॉर्पोरेशननेही इंडेन गॅस ग्राहकांसाठी ट्विट केले आहे.

किती मिळेल फायदा?

जेव्हा आपण पेटीएमवरुन पहिल्यांदा गॅस बुक करता तेव्हा तुम्हाला 800 रुपयांपर्यंतचा फायदा मिळेल. यासाठी बुकिंग केल्यानंतर तुम्हाला एक स्क्रॅच कार्ड मिळेल, त्यानंतर तुम्हाला कॅशबॅक मिळेल. पेटीएमच्या अर्जावर दिलेल्या माहितीनुसार बुकिंग केल्यावर तुम्हाला 10 ते 800 रुपयांचा फायदा मिळू शकेल. आपल्याला किती फायदा मिळते हे आपल्या नशिबावर अवलंबून आहे. यासाठी तुम्हाला किमान 500 रुपयांचा व्यवहार करावा लागेल. आपल्याला हे स्क्रॅच कार्ड 7 दिवसांच्या आत स्क्रॅच करावे लागेल.

फायदा कसा घ्यायचा?

या ऑफरचा लाभ घेण्यासाठी आपल्याला काही करण्याची आवश्यकता नाही किंवा कोणताही प्रोमो कोड वापरण्याची आवश्यकता नाही. बुकिंग केल्यावर आपोआपच फायदा मिळेल. आपण एकदाच या ऑफरचा लाभ घेऊ शकता.

कधीपर्यंत घेऊ शकता फायदा?

30 एप्रिलपर्यंत या ऑफरचा फायदा तुम्ही घेऊ शकता. त्याचबरोबर बुकिंगनंतर तुम्हाला जे काही कॅशबॅक मिळेल ते 48 तासात तुमच्या पेटीएम खात्यावर पाठवले जाईल. (Benefit up to Rs 800 on a gas cylinder booking, just book it this way)

मास्कशिवाय रस्त्यावर क्रिकेट खेळणं तरुणांना भोवलं, कोर्टाने जामीन नाकारला, थेट तुरुंगात रवानगीhttps://t.co/05yOnxeYCv #mumbai |#sessioncourt |#denies |#bail |#youths

— TV9 Marathi (@TV9Marathi) April 25, 2021