जुनी नाणी किंवा नोटा विकण्यापूर्वी सावधान, RBI कडून महत्त्वाची सूचना जारी

नवी दिल्ली : गेल्या काही दिवसांपासून जुनी नाणी आणि नोटा खरेदी आणि विक्रीसंदर्भात अनेक बातम्या समोर येत आहेत. लोक विविध ऑनलाईन आणि ऑफलाईन प्लॅटफॉर्मद्वारे जुन्या नोटा आणि नाणी विकत आहेत. आरबीआयने अलीकडेच यासंदर्भात एक महत्त्वपूर्ण माहिती जारी केली. आरबीआयने सावध केले की, काही जण ऑनलाईन, ऑफलाईन प्लॅटफॉर्मवर जुन्या नोटा आणि नाणी विकण्यासाठी केंद्रीय बँकेचे नाव आणि लोगो वापरत आहेत.

ऑनलाईन फसवणूक करणाऱ्यांकडून सतत ग्राहकांची फसवणूक

जर तुम्ही जुनी नाणी आणि नोटा विकण्याची किंवा खरेदी करण्याची तयारी करत असाल तर काळजी घ्या. ऑनलाईन फसवणूक करणारे सतत ग्राहकांची फसवणूक करण्याचा प्रयत्न करत असतात, त्यासाठी ते रोज नवनवे मार्ग शोधून काढतात.

RBI ने ट्विट करून काय सांगितले?

रिझर्व्ह बँकेने एका ट्विटमध्ये म्हटले आहे की, “भारतीय रिझर्व्ह बँकेच्या लक्षात आले की, काही घटक भारतीय रिझर्व्ह बँकेचे नाव आणि लोगो चुकीच्या पद्धतीने वापरत आहेत आणि विविध ऑनलाईन, ऑफलाईन प्लॅटफॉर्मद्वारे जुन्या नोटा बदलण्यासाठी विचारत आहेत. पैसे/कमिशन किंवा नाणी विकणाऱ्यांनाही रिझर्व्ह बँकेने आपल्या निवेदनातून इशारा दिलेय. आम्ही अशा कोणत्याही कार्यात सामील नाही आणि अशा व्यवहारासाठी कधीही कोणाकडून कोणतेही शुल्क किंवा कमिशन मागणार नाही, असंही आरबीआयनं स्पष्ट केलंय. त्याच वेळी बँकेने असे म्हटले आहे की, अशा उपक्रमांसाठी कोणत्याही संस्थेला किंवा व्यक्तीला कोणत्याही प्रकारचे अधिकृतता दिलेली नाही.

आरबीआयचा कोणाशीही करार नाही

भारतीय रिझर्व्ह बँक अशा प्रकरणांमध्ये व्यवहार करत नाही किंवा कधीही कोणाकडूनही असे कोणतेही शुल्क किंवा कमिशन मागत नाही. अशा व्यवहारांवर रिझर्व्ह बँकेच्या वतीने कोणतेही शुल्क किंवा कमिशन आकारण्याचा अधिकार भारतीय रिझर्व्ह बँकेने कोणत्याही संस्था, कंपनी किंवा व्यक्ती इत्यादींना दिलेला नाही. भारतीय रिझर्व्ह बँक सामान्य लोकांना अशा फसव्या आणि फसव्या ऑफरला बळी पडू नये, असा सल्ला दिलाय.

संबंधित बातम्या

30 ऑगस्टपासून स्वस्त सोने खरेदी करण्याची संधी, जाणून घ्या किंमत

द्र सरकार खरोखरच मुद्रा योजनेंतर्गत 2% व्याजाने 5 लाखांचं कर्ज देते? पटापट तपासा

Caution before selling old coins or notes, important notice from RBI