Income Tax: आयकर खात्याकडून ‘हे’ दोन फॉर्म भरण्यासाठी मुदतवाढ
Income Tax | सध्या Income Tax E-Filing पोर्टलमधील तांत्रिक अडचणींमुळे CBDT ने हे फॉर्म जमा करण्यासाठी मुदत वाढ दिली आहे. त्यानुसार आता करदात्यांना 15 जुलैपर्यंत हे फॉर्म अधिकृत डीलर्सकडे सबमिट करता येतील
मुंबई: केंद्रीय प्रत्यक्ष कर मंडळाकडून (CBDT) सोमवारी करदात्यांना मोठा दिलासा देण्यात आला. CBDT ने इन्कम टॅक्स फॉर्म 15CA आणि 15CB जमा करण्यासाठी मुदतवाढ दिली आहे. आयकराच्या नियमानुसार हे फॉर्म इलेक्ट्रॉनिक पद्धतीने जमा करणे बंधनकारक आहे. (cbdt extends deadline to submit income tax form from 15 CA and 15 CB)
परदेशातून आलेल्या पैशांसाठी अधिकृत डिलरकडे एक प्रत द्यावी लागते. त्यापूर्वी करदात्यांना 15CA आणि 15CB हे फॉर्म ई-फायलिंग पोर्टलवर अपलोड करणे बंधनकारक असते. मात्र, सध्या Income Tax E-Filing पोर्टलमधील तांत्रिक अडचणींमुळे CBDT ने हे फॉर्म जमा करण्यासाठी मुदत वाढ दिली आहे. त्यानुसार आता करदात्यांना 15 जुलैपर्यंत हे फॉर्म अधिकृत डीलर्सकडे सबमिट करता येतील. तर डॉक्युमेंट आयडेंटिफिकेशन नंबर (Document Identification Number) जनरेट करण्यासाठी ई पोर्टलवर दोन्ही फॉर्म जमा करण्याची सुविधा आणखी काही दिवसांनी सुरु होईल.
7 जूनला सुरु झाले होते पोर्टल
www.incometax.gov.in हे पोर्टल 7 जूनपासून सुरु झाले होते. कर भरतानाची प्रक्रिया सुलभ व्हावी, या उद्देशाने हे पोर्टल तयार करण्यात आले होते. मात्र, या नव्या पोर्टलचा वापर करताना करदात्यांना अनेक अडचणी येत असल्याचे निदर्शनास आले होते. या पोर्टलवरील अनेक सुविधा अद्यापही सुरु झालेल्या नाहीत. त्याठिकाणी केवळ COMING SOON असा मेसेज दाखवला जात आहे.
इन्फोसिस कंपनीला देण्यात आले होते प्रोजेक्ट
मोदी सरकारने ई-फायलिंग पोर्टल तयार करण्याची जबाबदारी इन्फोसिस कंपनीकडे सोपवली होती. इन्कम टॅक्स रिटर्नच्या प्रक्रियेतील सर्व सोपस्कार पार पाडण्यासाठी 63 दिवसांचा अवधी लागतो. ही प्रक्रिया एका दिवसात पार पाडण्यासाठी इन्फोसिसला या पोर्टलची जबाबदारी देण्यात आली होती.
संबंधित बातम्या:
New e-filing portal: नव्या टॅक्स पोर्टलमुळे करदाते हैराण; एक-दोन नव्हे तर 40 तांत्रिक अडचणी
इन्कम टॅक्स विभागाचं नव पोर्टल पहिल्या दिवशी डाऊन, निर्मला सीतारमण यांनी इन्फोसिसला विचारला जाब
(cbdt extends deadline to submit income tax form from 15 CA and 15 CB)
