PF चे व्याज खात्यात आले नाही, अशी करा तक्रार, मिस्ड कॉल द्या किंवा SMS द्वारे 1 मिनिटात तपासा
Employees Provident Fund : यासाठी तुम्हाला https://epfigms.gov.in/ या वेबसाईटवर जावे लागेल. या वेबसाईटला भेट देऊन तुम्हाला नोंदणी तक्रारवर क्लिक करावे लागेल. यानंतर पीएफ सदस्य, ईपीएफ पेन्शनर, नियोक्ता, इतरांमध्ये तुमची स्थिती निवडा, त्यानंतर पीएफ खात्याशी संबंधित तक्रारीसाठी पीएफ सदस्य निवडा. या सर्व प्रक्रिया पूर्ण झाल्यानंतर UAN क्रमांक आणि सुरक्षा कोड प्रविष्ट करा आणि तपशील मिळवा वर क्लिक करा. UAN शी जोडलेल्या खात्यातून वैयक्तिक माहिती उघड होईल.
नवी दिल्ली : सरकारने देशातील करोडो कर्मचाऱ्यांच्या पीएफ खात्यात व्याज जमा करण्यास सुरुवात केलीय. आर्थिक वर्ष 2020 21 साठी सरकार EPF बचतीवर 8.5 टक्के दराने व्याज देत आहे. व्याजाचे पैसे पीएफ खात्यात आले की नाही, ते तुम्ही घरी बसून पाहू शकता. याशिवाय जर तुमच्या खात्यात व्याजाची रक्कम जमा झाली नसेल, तर तुम्ही त्याबद्दल तक्रारही करू शकता. पीएफ शिल्लक चार प्रकारे तपासता येते. अनेक वेळा टोल फ्री क्रमांकावर मिस्ड कॉल दिल्यावर तो एक तर काम करत नाही किंवा व्यस्त असल्याचे दिसते. अशा परिस्थितीत दुसरा पर्याय निवडून तुम्ही एका मिनिटात तुमचा बॅलन्स जाणून घेऊ शकता.
एका मिनिटात तुमचा बॅलन्स जाणून घ्या
1. मिस्ड कॉलद्वारे बॅलन्स तपासा 2. याप्रमाणे SMS द्वारे बॅलन्स तपासा 3. EPFO वेबसाईटद्वारे बॅलन्स तपासा 4. उमंग अॅपद्वारे बॅलन्स तपासा
तुम्हाला SMS द्वारे 1 मिनिटात बॅलन्स कळू शकतो
यासाठी तुमचा UAN क्रमांक ईपीएफओकडे नोंदणीकृत असणे आवश्यक आहे. तुम्हाला 7738299899 वर ‘EPFOHO UAN ENG’ पाठवावे लागेल. ही सेवा इंग्रजी, हिंदी, पंजाबी यासह 10 वेगवेगळ्या भाषांना सपोर्ट करते.
मिस्ड कॉलद्वारे तुमचा बॅलन्स तपासा
यासाठी नोंदणीकृत मोबाईल क्रमांकावरून 011 22901406 वर मिस्ड कॉल द्या. येथे तुमचा UAN, PAN आणि आधार लिंक असणे देखील आवश्यक आहे. या नंबरवर कॉल केल्यानंतर तुमचा बॅलन्स येईल.
जर तुमच्या EPFO खात्यात व्याज आले नसेल तर येथे तक्रार करा
यासाठी तुम्हाला https://epfigms.gov.in/ या वेबसाईटवर जावे लागेल. या वेबसाईटला भेट देऊन तुम्हाला नोंदणी तक्रारवर क्लिक करावे लागेल. यानंतर पीएफ सदस्य, ईपीएफ पेन्शनर, नियोक्ता, इतरांमध्ये तुमची स्थिती निवडा, त्यानंतर पीएफ खात्याशी संबंधित तक्रारीसाठी पीएफ सदस्य निवडा. या सर्व प्रक्रिया पूर्ण झाल्यानंतर UAN क्रमांक आणि सुरक्षा कोड प्रविष्ट करा आणि तपशील मिळवा वर क्लिक करा. UAN शी जोडलेल्या खात्यातून वैयक्तिक माहिती उघड होईल.
तुमच्या नोंदणीकृत मोबाईल नंबरवर OTP येणार
त्यानंतर Get OTP वर क्लिक करा. तुमच्या नोंदणीकृत मोबाईल नंबरवर OTP येईल. तुम्ही OTP सबमिट करताच, वैयक्तिक तपशील भरल्यानंतर ज्या पीएफ क्रमांकावर तक्रार दाखल करायची आहे त्यावर क्लिक करा. त्यानंतर एक पॉप अप येईल. येथे तुम्हाला पीएफ ऑफिसर, एम्प्लॉयर, एम्प्लॉई डिपॉझिट लिंक्ड इन्शुरन्स स्कीम किंवा एक्स पेन्शन या पर्यायातून एक पर्याय निवडावा लागेल. तपशील आणि आवश्यक कागदपत्रे अपलोड करा आणि सबमिटवर क्लिक करा. यानंतर तुमची तक्रार नोंदवली जाईल आणि नोंदणीकृत मोबाईल क्रमांक आणि ईमेलवर तक्रार नोंदणी क्रमांक येईल.
संबंधित बातम्या
मुकेश अंबानी भारताबाहेर कुठेही स्थलांतर करणार नाहीत, ते वृत्त चुकीचं, रिलायन्सचं स्पष्टीकरण
30 नोव्हेंबरनंतर ‘या’ योजनेंतर्गत मोफत रेशन मिळणार नाही, सरकारनं सांगितले ‘कारण’
Complain that PF interest has not been credited make a missed call or check in 1 minute via SMS
