Bill : जे बात, एकाच बिलावर वेगवेगळ्या रेस्टॉरंटच्या जेवणाची चाखा चव, या पोर्टलवर द्या की ऑर्डर..

नवी दिल्ली : आतापर्यंत तुम्ही एकाच रेस्टॉरंटमधून (Restaurant) जेवण, स्नॅक्स मागवत होते. त्यासाठी ऑनलाईन ऑर्डरही (Online Order) देता. आता ऑनलाईन जेवण ऑर्डरचा एक नवीन अनुभव घेता येईल. तीन उद्योजकांनी एकत्र येऊन ऑनलाईन पोर्टल ‘वेडिंगो‘(VendiGo) ची सुरुवात केली आहे.

वेडिंगो या ऑनलाईन पोर्टलवरुन तुम्हाला एकाच बिलावरुन अनेक रेस्टॉरंटचे आवडते जेवण मागविता येणार आहे. वेडिंगो हे एक स्टार्टअप असून त्यांनी विविध रेस्टॉरंटमधून एकाच बिलावर जेवणाची ऑर्डर देता येणार आहे.

या बातमीनुसार, जेवण एकाच बिलावर ऑर्डर (different restaurant ordering on one bill) करता येईल. त्यानंतर तुमच्या सुविधेनुसार, तुम्हाला जेवणाचा आस्वाद घेता येईल. या पोर्टलवर केवळ ऑर्डरच करता येणार नाही, तर तुम्ही वेळ आणि ठिकाण ही निश्चित करु शकाल.

हे सुद्धा वाचा

Ayodhya : विहंगम, रामनगरीत दीपोत्सवाचा राहणार थाट, आयोध्येत इतक्या लाख दिव्यांचा लखलखाट..

Jobs : या दिवाळीत आनंद दुप्पट, तरुणांची नोकरी पक्की, मोदी सरकारचे खास गिफ्ट!

Share Market : ही कंपनी Nifty-50 मधून बाहेर, हे दावेदार मैदानात, गुंतवणूकदार होणार मालामाल

Diwali: हेवा वाटावा अशी दिवाळी..असा अनुभव पुन्हा नाही..चला येथे साजरा करुयात दिव्यांचा सण..

वेडिंगोवर (VendiGo) ऑर्डर दिल्यानंतर पेमेंट होताच ग्राहक एका किओस्क बॉक्स नंबरवरुन त्यांची ऑर्डर प्राप्त करु शकतील. त्यामुळे त्यांना एकाच बिलावर विविध रेस्टॉरंटमधून खाद्यपदार्थ बोलावता येतील आणि त्याची चव चाखता येईल.

वेडिंगो स्थापना मनोज देथन (Manoj Dethan), अनिश सुहैल (Anees Suhail) आणि किरण करुणाकरण (Kiran Karunakaran) यांनी मिळून केली होती. देथन हे मुख्य कार्यकारी अधिकारी म्हणून जबाबदारी संभाळत आहेत. तर सुहैल मुख्य तांत्रिक अधिकारी असून करुणाकरण यांनी यामध्ये गुंतवणूक केली आहे.

वेडिंगो, शहरातील मोठमोठ्या हॉटेल्स, रेस्टॉरंट, कॅफे आणि बेकरी यांच्याशी टायअप आहे. त्याआधारे तुम्ही दिलेल्या ऑर्डरनंतर त्याठिकाणाहून पदार्थ पिकअप करुन तुम्हाला तुमच्या वेळेनुसार आणि स्थळानुसार डिलिव्हरी केल्या जाते.