Personal Loan असताना बँका आणखी एक कर्ज देते का? जाणून घ्या
अनेकदा लोकांच्या मनात हा प्रश्न येतो की, पर्सनल लोन असेल तर बँका ग्राहकाला दुसरे पर्सनल लोन देऊ शकतात का? याचे उत्तर जाणून घ्या.
पर्सनल लोन असेल तर बँका ग्राहकाला दुसरे पर्सनल लोन देऊ शकतात का? याचे उत्तर तुमच्यासह अनेकांना हवे आहे. पण, चिंता करू नका. याचे उत्तर आणि यासंदर्भातील सविस्तर माहिती आज आम्ही तुम्हाला देणार आहोत. पर्सनल लोन असेल तर बँका दुसरे पर्सनल लोन देऊ शकतात, पण प्रत्येक परिस्थितीत नाही. चला जाणून घेऊया सविस्तर माहिती.
लोकांच्या गरजा भागविण्यासाठी बँकांकडून अनेक प्रकारची कर्जे दिली जातात. यापैकी एक कर्ज हे पर्सनल लोन देखील आहे, जे बँकांकडून लोकांना त्यांच्या वैयक्तिक गरजा पूर्ण करण्यासाठी दिले जाते. आता अनेकदा लोकांच्या मनात हा प्रश्न येतो की, पर्सनल लोन असेल तर बँका ग्राहकाला दुसरे पर्सनल लोन देऊ शकतील का? याचे उत्तर होय आहे. पर्सनल लोन असेल तर बँका दुसरे पर्सनल लोन देऊ शकतात, पण प्रत्येक परिस्थितीत नाही. अनेक गोष्टी पाहिल्यानंतरच बँका एखाद्या व्यक्तीला दुसरे पर्सनल लोन देतात. चला जाणून घेऊया सविस्तर माहिती.
दुसरे पर्सनल लोन देताना बँका काय पाहतात?
जर तुम्ही आधीच पर्सनल लोनचा ईएमआय भरत असाल आणि तुम्ही बँकेकडून दुसऱ्या पर्सनल लोनसाठी अर्ज करत असाल तर बँका प्रामुख्याने काही गोष्टींकडे लक्ष देतात. यामध्ये बँका तुमचा क्रेडिट स्कोअर, ईएमआय पेमेंटच्या सवयी आणि तुमचे मासिक उत्पन्न पाहतात. जर तुमचा क्रेडिट स्कोअर चांगला असेल आणि तुमचे मासिक उत्पन्न चांगले असेल तर बँका दुसरे पर्सनल लोन देतात. याशिवाय तुम्ही तुमच्या पहिल्या कर्जाचा ईएमआय वेळेवर भरत असाल तरी बँका तुम्हाला पर्सनल लोन देतात.
जर तुमच्या दोन्ही कर्जाचा मासिक ईएमआय तुमच्या मासिक पगाराच्या 50 टक्क्यांपेक्षा कमी असेल तर बँका त्यास सुरक्षित मानतात आणि अनेकदा दुसरे कर्ज देतात. बँका अनेकदा 50 टक्क्यांपेक्षा जास्त ईएमआयवर कर्ज देण्यास नकार देऊ शकतात. मात्र, वेगवेगळ्या बँकांचे नियम वेगवेगळे आहेत.
एक कर्ज दुसऱ्यासाठी घेणे किती योग्य आहे?
जर तुम्हाला अधिक पैशांची गरज असेल आणि आपत्कालीन परिस्थितीत पैशांची व्यवस्था करावी लागली आणि तुम्ही ईएमआय भरण्यास सक्षम असाल तर तुम्ही बँकेकडून पर्सनल लोन घेऊ शकता. लक्षात ठेवा की प्रवासासाठी किंवा आपल्या छंदांसाठी पर्सनल लोन घेऊ नका. याशिवाय पहिल्या कर्जाचा ईएमआय फेडण्यासाठी पर्सनल लोन घेऊ नका. असे केल्याने तुम्ही कर्जाच्या जाळ्यात अडकू शकता.
(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
