E Scooter | ई-स्कूटरची विक्री जोरात, इतक्या इलेक्ट्रीक दुचाकींची नोंदणी
E Scooter | ई-स्कूटरने ऑगस्ट महिन्यात विक्रीत जबरदस्त तेजी नोंदवली. वाढत्या पेट्रोल-डिझेलच्या किंमती पाहता हा बदल सकारात्मक तर आहेच पण व्यावहारिकही असल्याचे दिसून येते.
E-Scooter | ई-स्कूटरने (E Scooter)ऑगस्ट महिन्यात (August) विक्रीत जबरदस्त तेजी नोंदवली. वाढत्या पेट्रोल-डिझेलच्या किंमती पाहता हा बदल सकारात्मक तर आहेच पण व्यावहारिकही असल्याचे दिसून येते. इलेक्ट्रिक वाहन नोंदणीत (Electric Vehicle Registration) ऑगस्ट महिन्यात तब्बल 10 टक्क्यांची वाढ झाली आहे. हा टक्का अर्थात कमी असला तरी एका महिन्यासाठी हा आकडा महत्वाचा आहे. सरकारच्या धोरणाला जनतेतूनही प्रतिसाद मिळत असल्याचे हे उदाहरण आहे.
अशी वाढली विक्री
वाहन नोंदणी संकेतस्थळावरुन याविषयीची आकडेवारी समोर आली आहे. त्यानुसार, ई-स्कुटरच्या नोंदणीची संख्या जुलै महिन्यात, 33,099 ईलेक्ट्रिक स्कूटरची नोंदणी झाली होती. तर 31 ऑगस्ट रोजी हा आकडा वाढला. ऑगस्ट महिन्याच्या शेवटी हा आकडा 36,463 इतका झाला. म्हणजे जवळपास तीन हजार वाहनांची नोंदणी वाढली. इलेक्ट्रीक वाहनांच्या किंमती बघता विक्रीतील वाढ दिलासादायक आहे. यामध्ये बजाज ऑटो आणि टीव्हीएस कंपन्यांच्या दुचाकींचा समावेश नाही.
अथरची मजबूत दावेदारी
ई-स्कूटर विक्रीत वाढ करण्यात अनेक तज्ज्ञ अथरचा सहभाग असल्याचे सांगतात. बेगंळूरीतील या कंपनीने जुलै महिना अखेर जे नवीन मॉडेल बाजारात उतरवले त्यामुळे विक्रीत जोरदार वाढ झाली. वाहनांच्या नोंदणीत चौपट वाढ दिसून आली.
हिरो ही मागे नाही
या स्पर्धेत हिरो कंपनीही मागे नाही. चार महिन्यांनी हिरो कंपनीने इलेक्ट्रिक वाहन बाजारात आपला शिक्का खणखणीत वाजवला. एप्रिल महिन्यात कंपनीने 13,000 ई-बाईक्सची विक्री केली होती. चार महिन्यांनी ऑगस्ट महिन्यात कंपनीने विक्रीत 10,000 चा आकडा पार केला आहे. चिप नसल्याने कंपनीला मध्यंतरी फटका बसला होता.
अथरची घौडदौड
ईलेक्ट्रिक बाजारात अथरने मजबूत दावेदारी केली आहे. कंपनीने जुलै महिन्यात 1,289 ई स्कूटरची विक्री केली होती. ऑगस्ट महिन्यात कंपनीच्या 5,104 ई-वाहनांसाठी नोंदणी करण्यात आली आहे. आतापर्यंतची ही सर्वात मोठी मागणी आहे.
नवीन मॉडेल बाजारात
अथर कंपनीने 1.39 लाख रुपयांची जेन 3 450एक्स, 1.17 लाख रुपयांची एथर 450 प्लस जेन 3 स्कूटर बाजारात उतरवली आहे. तिलाही ग्राहकांचा चांगला प्रतिसाद मिळत आहे.
तर आकडा 4 टक्क्यांवर
बाजारातील दोन दिग्गज कंपन्या बजाज ऑटो आणि टीव्हीएसच्या ई-स्कूटरचे आकडे जर या विक्रीत गृहीत धरले तर ई-स्कूटरची विक्रीतील हिस्सा 4 टक्क्यांवर पोहचेल असा अंदाज वर्तवण्यात येत आहे.
