Elon Musk Twitter: पराग अग्रवालला ट्विटरच्या CEO पदावरुन हटवण्याच्या तयारीत! कोण असेल नवा CEO?
मस्क यांनी यापूर्वी म्हटले आहे की, ते ट्विटरच्या व्यवस्थापनावर खूश नाहीत. अशा परिस्थितीत मस्क येताच पराग अग्रवाल ट्विटर सोडणार असल्याचे मानले जात होते. तर जॅक डोर्सी गेल्यानंतर पराग यांना पाच महिन्यांपूर्वी ट्विटरचे सीईओ बनवण्यात आले होते.
नवी दिल्ली : एलन मस्क (Alan Musk) यांनी ट्विटरला (Twitter) 44 अब्ज डॉलर्समध्ये विकत घेण्याची घोषणा केली. सध्या ते हा निधी उभारण्याच्या तयारीत व्यस्त आहेत. अलीकडेच, अशी बातमी आली होती की, 18 गुंतवणूकदारांच्या मदतीने त्यांनी $7 बिलियनचा निधी उभारला आहे. याच्या मदतीने ते आता वैयक्तिक स्तरावर $27 अब्ज रोख जमा करतील. पण मस्क हे ट्विटरच्या व्यवस्थापनावर खूश नाहीत, असे त्यांनी आधीच सांगितले होते. त्यामुळे अशा परिस्थितीत एलन मस्क पराग अग्रवाल (CEO Parag Agarwal) यांना ट्विटरच्या CEO पदावरून हटवण्याच्या तयारीत असल्याचेही कळत आहे. मात्र एका मीडिया रिपोर्ट्सनुसार, या $7 बिलियन फंड रेझिंगमध्ये परागची पत्नी विनिता अग्रवाल (Vinita Agarwal) ज्या कंपनीत काम करतात त्या कंपनीचे नाव देखील यात समाविष्ट आहे. विनिता अग्रवाल अमेरिकन इन्व्हेस्टमेंट फर्म अँडरसन हॉरोविट्झमध्ये जनरल पार्टनर म्हणून काम करतात. ही अमेरिकेतील शीर्ष उद्यम भांडवल फर्मपैकी एक आहे. ही कंपनी स्टार्ट-अप तसेच प्रस्थापित कंपन्यांमध्ये गुंतवणूक करते. अँडरसन हॉरोविट्झने इलॉन मस्कला $400 दशलक्ष म्हणजे सुमारे 3000 कोटी रुपये देण्याचा निर्णय घेतला आहे. अशाप्रकारे अँडरसन हॉरोविट्झ हे इलॉन मस्कसोबत ट्विटरचे नवे प्रवर्तकही असतील.
अँडरसन होरोविट्झ ही उद्यम भांडवल कंपन्यांपैकी एक आहे. ज्यानी Facebook ला सुरुवातीपासूनच आर्थिक पाठबळ दिले. या डीलबाबत कंपनीचे सह-संस्थापक बेन होरोविट्झ म्हणाले की, एलन मस्क ही जगातील एकमेव अशी व्यक्ती आहे जी केवळ ट्विटरची समस्या सोडवू शकत नाही, तर आपली ओळख मजबूत करू शकते.
ट्विटरच्या व्यवस्थापनावर मस्क ना खूश
तसे, मस्क यांनी यापूर्वी म्हटले आहे की, ते ट्विटरच्या व्यवस्थापनावर खूश नाहीत. अशा परिस्थितीत मस्क येताच पराग अग्रवाल ट्विटर सोडणार असल्याचे मानले जात होते. तर जॅक डोर्सी गेल्यानंतर पराग यांना पाच महिन्यांपूर्वी ट्विटरचे सीईओ बनवण्यात आले होते.
अनियमिततेचा आरोप
अँडरसन होरोविट्झ यांनी फार पूर्वी फेसबुकला निधी दिला. मात्र, कंपनीवर अनेक आरोप झाले आहेत. अँडरसन होरोविट्झने ऑक्युलस व्हीआर सारख्या कंपन्यांमध्येही गुंतवणूक केली, जी नंतर मेटा म्हणजेच फेसबुकने विकत घेतली. या करारावर अनेक प्रश्न उपस्थित केले गेले. कंपनी सध्या या प्रकरणी कायदेशीर सल्ला घेण्याचे काम करत आहे.
